Author: विजयराज आरकडे

बीडचे खा.बजरंग सोनवणेंची परदेशात क्रेझ; शिवजयंतीनिमीत्त आले अबुधाबीतून निमंत्रण; २३ फेब्रुवारी मोठ्या थाटात शिवजन्मोत्सव होणार साजरा  केज- महाराष्ट्रासह देशभरात आणि आता जगभरात छत्रपती शिवाजी महाराज यांची जयंती मोठ्या उत्साहात साजरी होत आहे. यावर्षी अरब देशातील अबुधाबीमध्ये दि.२३ फेब्रुवारी रोजी छत्रपती शिवाजी महाराज जयंती उत्सवाचे आयोजन करण्यात आलेले असून या कार्यक्रमाला प्रमूख पाहूणे म्हणून बीडचे खा.बजरंग सोनवणे यांना निमंत्रीत करण्यात आले आहे. छत्रपती शिवाजी महाराज यांची जयंती जगभरातील विविध देशात साजरी केली जात आहे. महाराष्ट्र आणि हिंदूस्थानातील नागरिक परदेशात आता शिवजयंती साजरी करू लागले आहे. अरब देशातील अबुधाबी येथे मागील सात वर्षांपासून उमेश नळगे पाटील, प्रदिप आघाव हे छत्रपती शिवाजी…

छत्रपती शिवाजी महाराज जयंतीच्या दिवशीच केजकरांसाठी आनंदाची अनुभूती केज- आज संपूर्ण भारतभर छत्रपती शिवाजी महाराज जयंती मोठ्या उत्साहाने साजरा केली जाते. केज येथेही मोठ्या उत्साहाने शिव जन्मोत्सव साजरा केला जातो. शहरातील तहसील कार्यालय जवळ मुख्य रस्त्यावर छत्रपती शिवाजी महाराज चौक पुर्वीपासून स्थापना केली होती मात्र महाराजांचा पुतळा बसवण्यात यावा अशी मागणी समस्त शिव भक्त करत होते. परंतू काही शासकीय बाबींची अडचण येत होती. आज छत्रपती शिवाजी महाराज जयंतीच्या दिवशीच महाराजांचा अश्वारूढ पुतळा रातोरात उभा राहिला आणि सकाळी शिव भक्तांना पाहावयास मिळाला आहे. त्यामुळे सर्वत्रच आनंदाचे वातावरण निर्माण झाले आहे. शिवभक्तांनी हा अश्वारूढ पुतळा पाहण्यासाठी एकच गर्दी केली आहे.

शिवबा प्रतिष्ठानच्या वतीने विविध उपक्रमाने शिव जन्मोत्सव साजरा   केज- शिवबा प्रतिष्ठान कानडी रोड केज येथील तरूण शिवभक्तांनी शिव जन्मोत्सव निमित्ताने विविध प्रकारचे उपक्रम राबवत शिव जन्मोत्सव साजरा करून एक आदर्श निर्माण केला आहे. सरकारी दवाखाना फळ वाटप, वृद्धाश्रम बोबडेवाडी रोड येथे किराणा वाटप व अनाथ आश्रम बीड रोड विद्यार्थ्यांसाठी ड्रेस वाटप करत सामाजिक उपक्रम राबवले आहेत. शिवबा प्रतिष्ठानच्या या उपक्रमाचे सर्वत्र कौतुक केले जात आहे.

विद्यार्थ्यांनी ध्येयप्राप्तीसाठी एकनिष्ठ राहिले पाहिजे- अप्पर पोलीस अधीक्षक चेतना तिडके केज प्रतिनिधी: – जीवन विकास शिक्षण मंडळ केज संचलित, स्वामी विवेकानंद विद्यामंदिर [ माध्यमिक विभाग ] या शाळेमध्ये इयत्ता दहावीच्या विद्यार्थ्यांचा निरोप समारंभ कार्यक्रम संपन्न झाला. याप्रसंगी कार्यक्रमाचे अध्यक्ष म्हणून अंकुशराव इंगळे अध्यक्ष, जीवन विकास शिक्षण मंडळ तथा सभापती, कृषी उत्पन्न बाजार समिती केज, तर प्रमुख पाहुणे म्हणून अंबेजोगाई येथील अप्पर पोलीस अधीक्षक श्रीमती. चेतनाताई तिडके या उपस्थित होत्या. प्रमुख उपस्थित मान्यवरांमध्ये डॉ. वसुदेव नेहरकर उपसभापती, कृषी उत्पन्न बाजार समिती केज, संस्थेचे सचिव गिन्यानदेव गदळे, शालेय व्यवस्थापन समितीच्या अध्यक्षा शैलाताई इंगळे, शाळेच्या मुख्याध्यापिका शिवनंदा मुळे आदी उपस्थित होते. कार्यक्रमाच्या सुरुवातीस…

केज येथे शिव साम्राज्य शिवजन्मोत्सव आयोजित रक्तदान शिबिरात १०० रक्तदात्यांचे रक्तदान केज – केर शहरात छत्रपती शिवराय जयंती निमित्त शिव साम्राज्य जन्मोत्सव समितीने मंगळवार रोजी रक्तदान शिबिर आयोजित केले.शिबिरात १०० रक्तदात्यांनी रक्तदान केले. सामाजिक उपक्रमाने केज येथील शिवजन्मोत्सव साजरा होत आहे. शिव साम्राज्य शिवजन्मोत्सवाचे अमोल शिंदे, भैय्या शिंदे, सचिन रोडे, रवी दांगट, विलास आवाड, पपू ढगे, यशवंत रितापूरे, संजय गुंड,मुन्ना धनवडे, सागर डिकूळे,अशोक कदम, सारंग शिंदे, अतुल गुंड दुशांत लांब, अक्षय सत्वधर आदित्य विडेकर, शैलेश भूतकार, राहूल गुंड, अशोक रगडे, संतोष असवले अक्षय कदम, मयूर कदम, तुषार सत्वधर रुद्र जाधव आदी सदस्यांनी शिबिराचे नियोजन केले. रक्तसंकलनासाठी माजलगाव रक्तपेढी डॉ…

स्व. संतोष देशमुख यांच्या पत्नीला रमेशराव आडसकरांनी दिले नोकरीच नियुक्ती पत्र; विशेष बाब म्हणून शासनाने दिली पद भरतीस मान्यता केज ! प्रतिनिधी मस्साजोगचे सरपंच संतोष देशमुख यांच्या पत्नी अश्विनी देशमुख यांना आडस ता. केज येथील श्री. छत्रपती शिवाजी शिक्षण संस्था संचलित छ्त्रपती शिवाजी विद्यालयात कनिष्ठ लिपिक पदावर नियुक्ती देण्यात आली आहे. शासनाने विशेष बाब म्हणून त्यांच्या या पद भरतीस मान्यता दिली असून संस्थेचे सचिव रमेश आडसकर व राष्ट्रवादी काँग्रेसचे राजेश्वर चव्हाण यांनी मस्साजोग येथे जाऊन त्यांना नियुक्तीपत्र सुपूर्द केले. बीड जिल्ह्यातील मस्साजोगचे सरपंच संतोष देशमुख यांच्या हत्याकांडा नंतर त्यांच्या पत्नी अश्विनी देशमुख यांना शासकीय सेवेत सामावून घ्यावे. अशी ग्रामस्थांची…

होळ येथील महाराष्ट्र ग्रामीण बँकेत खो-खो संघाची कर्णधार प्रियंका इंगळेचा सत्कार   प्रतिनिधी | केज तालुक्यातील होळ येथील महाराष्ट्र ग्रामीण बँकेच्या शाखेत व्यवस्थापक राहुल सावंत यांनी भारतीय महिला खो-खो संघाची कर्णधार प्रियंका इंगळे हिचा गुरुवारी (दि.६) सत्कार केला. प्रियंका इंगळे भारताला पहिला खो-खो वर्ल्ड कप जिंकून दिला आहे. त्याबद्दल तिचा ठिकठिकाणी सन्मान केला जात आहे. होळ येथील महाराष्ट्र ग्रामीण बँकेच्या शाखेत देखील सत्कार करण्यात आला. यावेळी भाजपचे ज्येष्ठ नेते नेताजी शिंदे, राष्ट्रवादी काँग्रेस शरद पवार पक्षाच्या पदवीधर सेलचे प्रदेशाध्यक्ष डॉ.नरेंद्र काळे, होळ येथील महाराष्ट्र ग्रामीण बँकेचे शाखा व्यवस्थापक राहुल सावंत, होळेश्वर विद्यालयाचे मुख्याध्यापक देवानंद मलदोडे, पाटोदा अंबा शाखेचे व्यवस्थापक प्रीतम…

वडिलांचे स्वप्न पूर्ण करण्यासाठी वैभवीने दिली परीक्षा – गौतम बचुटे/केज :- वडिलांच्या हत्ये नंतर मानसिकता नसताना देखील मन घट्ट करून वडिलांचे स्वप्न साकार करण्यासाठी मी बारावी बोर्डाची परीक्षा दिली आणि वडीला शिवाय पहिल्यांदा परीक्षा केंद्रावर गेल्याची खंत वैभवी देशमुख हिने परीक्षा देवून आल्या नंतर वैभवी देशमुख हिने प्रतिक्रिया व्यक्त केली. बीड जिल्ह्यातील आवादा कंपनीच्या पवन चक्की प्रकल्पाच्या खंडणीच्या प्रकरणातून दोन महिन्या पूर्वी अपहरण करून हत्या करण्यात आलेले मस्साजोगचे सरपंच संतोष देशमुख यांची कन्या वैभवी देशमुख हिने उच्च माध्यमिक बोर्डाची परीक्षेचा पहिला पेपर सोडविला. परीक्षे नंतर तिने आपली प्रतिक्रिया देताना अत्यंत भावनिक होत म्हटले की, माझा पहिलाच पेपर होता. ज्या वेळेस…

छत्रपती शिवाजी विद्यालय, आडस शाळेच्या वतीने खो-खो विश्वचषक विजेता संघाची कर्णधार प्रियंका इंगळे हिचा भव्य सत्कार संपन्न; अभ्यासासोबत विविध खेळाचे आयोजन करून असे गुणी खेळाडू घडवावे- मा. रमेशराव आडसकर आडस- खो – खो विश्वकप विजेत्या भारतीय संघाच्या कर्णधार कळबंअंबा गावची कन्या कु. प्रियंका इंगळे यांचा श्री छत्रपती शिवाजी माध्यमिक व उच्च माध्यमिक विद्यालय आडस च्या वतीने मोठ्या उत्साहाने स्वागत सत्कार करण्यात आला. शाळेच्या विद्यार्थ्यांनी लेझीम, टिपरी नृत्य व औक्षण करत प्रियंकाचे कार्यक्रम स्थळी स्वागत केले. या समई संस्थेचे सचिव तथा अंबेजोगाई साखर कारखान्याचे चेअरमन मा. रमेशराव आडसकर साहेब यांनी कु . प्रियंका इंगळे यांचे व वडील,आई, आजोबा,आज्जी यांचे कौतुक करत…

केज-बीड रोडवर केज जवळ टेम्पो आणि जीपचा भीषण अपघात : अपघातात दोघे ठार गौतम बचुटे/केज :- फेब्रुवारी रोजी सकाळी केज-बीड रोडवर केज तालुक्यातील सांगवी (सारणी) पुला जवळ कॅन्टर टेम्पो क्र. (टी एस-०१/यु सी-५५०२) आणि बोलेरो क्र (एम एच-१६/ए टी-००६२) गाडीचा अपघात झाला. यात नातेवाईकांच्या लग्नाचा बस्ता खरेदी करण्यासाठी जात असलेल्या उर्मिला उर्फ उमा श्रीराम घुले वय (४५ वर्ष) (रा. कोरेगाव ह. मु. शिक्षक कॉलनी केज) या महिलेचा जागीच मृत्यू झाला. तर या अपघातातील जखमी असलेले लक्ष्मण डोईफोडे, राम डोईफोडे आणि इतर दोघे यांना अंबाजोगाई येथील सरकारी दवाखान्यात हलविले होते. त्यातील एकाचा देखील मृत्यू झाला आहे. या अपघातात दोघांचा मृत्यू झालेला…