केज येथील प्रसिद्ध यशवंत धाबा मालकाचा अपघाती मृत्यू; बार मालक व एक जण जखमी
मोटारसायकलवरुन येरमाळा ते केज कडे येत असताना पहाटे झाला अपघात
केज-
केज येथील बीड रोडवर असणारा प्रसिद्ध यशंवत धाबा मालक रामचंद्र घुले रा. टाकळी यांचा मोटारसायकल अपघातात मृत्यू झाला आहे. तर केज येथील एका बीअर बारचे मालक व अन्य एक जण जखमी झाले आहेत. यापैकी एकाला डोक्याला गंभीर मार लागला आहे. त्यास पुढील उपचारासाठी अंबाजोगाई रूग्णालयात दाखल केले आहे.
मिळालेल्या माहितीनुसार हे तिघे युवक रात्री उशिरा येरमाळा येथे देवदर्शनासाठी गेले होते, पहाटे केज कडे येत असताना कळंब शहरात त्यांच्या मोटारसायकलीचा अपघात झाला. यात रामचंद्र घुले यांचा मृत्यू झाला आहे.
अपघात नेमका कसा झाला हे अद्याप समजू शकले नाही.
कर्तुत्वान, मनमिळाऊ स्वभाव, कुटुंबातील लाडका, भरपूर मित्रपरिवार असलेला तरूण युवक रामचंद्र घुले याच्या निधनाने टाकळी गावावर व कुटुंब व मित्रपरिवारावर शोककळा पसरली आहे.
