अज्ञात वाहनाची टमटमला धडक ;
दोन जखमी तर एकजण गंभीर जखमी
केज –
बीड रोडवरील बीएसएनएल ऑफिसच्या समोर एका अज्ञात वाहनाने टमटमला धडक दिल्याने टमटम मधील दोन ते तीनजण गंभीर जखमी झाल्याची घटना सायंकाळी साडेसहाच्या सुमारास घडली आहे.
एम. एच. २३ एक्स. ४५६३ क्रमांक असलेल्या टमटमला एका अज्ञात वाहनाने धडक देऊन निघून गेला. या धडकेने टमटम मधील दोन पुरूष व एक महिला रस्त्यावर पडले होते. यात तिन्ही जणांना डोक्याला मार लागलेला आहे. यापैकी वयस्कर महीला व एक पुरुष शुद्धीवर होते. परंतू त्यातील एक मुलगा अंदाजे वय २५ वर्षे तो गंभीर जखमी झाला आहे.
या टमटम मधील सर्व जखमी हे जोला सासुरा येथील असून भगवान ढाकणे, नाना ढाकणे,
ताराबाई ढाकणे अशी त्यांची नावे असल्याचे घटनेच्या ठिकाणी उपस्थित त्यांच्या गावातील नागरीकांनी सांगितले.
यावेळी घटनास्थळी जमलेल्या नागरीकांनी रुग्णवाहिका बोलावून जखमींना तातडीने रुग्णालयात दाखल केले होते.
या घटनेची माहिती मिळताच केज पोलिसांनी घटनास्थळी धाव घेत पाहणी केली असून पुढील कारवाई सुरू केली आहे.
