चक्क स्मशानभूमीतच उपोषण
गौतम बचुटे/केज :- स्मशानभूमीच्या विकासाच्या संदर्भातील मागण्यांकडे ग्रामपंचायत आणि संबंधित विभाग टोलवाटोलवी करीत असल्याने संतप्त युवकांनी चक्क स्मशानभूमीतच उपोषण सुरू केले आहे.
केज तालुक्यातील साळेगांव येथील मागासवर्गीय समाजाच्या स्मशानभूमी ला संरक्षक भिंत बांधण्यात यावी या स्मशानभूमीची नोंद महसुली अभिलेख्याला घेण्यात यावी आणि स्मशानभूमी तील दोन्ही विद्युत डीपी तात्काळ हटविण्यात याव्या या मागणी संदर्भात ग्रामपंचायत स्तरावर मागील सहा महिन्यांपासून पाठपुरावा करूनही त्याकडे दुर्लक्ष करून त्याची संबंधितांनी योग्य दखल घेतली नाही किंवा कारवाई केली नाही म्हणून दि. १६ ऑगस्ट रोजी तरुण स्मशानभूमीत उपोषणाला बसले आहेत.
