पालमकर जोशी यांच्या आंदोलनास केज मधूनही पाठिंबा
केज
समस्त ब्राह्मण समाजासाठी परशुराम आर्थिक विकास महामंडळ स्थापन करून समाजाला न्याय द्यावा यासाठी पालम येथील रामराव जोशी व अनंत जोशी हे आझाद मैदानावर उपोषणास बसले असून त्यांच्या या त्यागाला संपूर्ण महाराष्ट्रातील ब्राह्मण समाजाकडून पाठिंबा मिळत आहे. केज तहसील कार्यालयासमोर समस्त ब्राह्मण समाज संघर्ष समितीच्या वतीने पळी ताम्हण वाजवून सोमवार दि २३ रोजी धरणे आंदोलन करून पाठिंबा जाहीरपणे देत आहोत.
मुंबई येथे आझाद मैदानावर रामराव जोशी व अनंत जोशी हे दोघे पालम येथील असून ब्राह्मण समाजावर सातत्याने होणाऱ्या अन्यायाला वाचा फोडून सरकारने न्याय मिळवून द्यावा यासाठी अन्नत्याग आंदोलन सोमवार दि १६ आक्टोबर पासून आझाद मैदानावर बसले आहेत त्यांच्या आंदोलनास पाठिंबा देण्यासाठी समस्त ब्राह्मण समाज संघर्ष समितीच्या वतीने केज तहसील कार्यालयासमोर सोमवार दि २३ रोजी पळी ताम्हण वाजवून धरणे आंदोलन करण्यात येईल असे निवेदन केज तहसीलदार यांच्या कडे देण्यात आले आहे यावर श्रीनिवास केजकर , श्रीराम शेटे , श्रीधर खोत , चंद्रकांत पाटील , अतुल कुलकर्णी , गिरीश केजकर , धनंजय कुलकर्णी यांच्या सह्या आहेत.
