मणिपूर घटनेच्या निषेधार्थ केजमध्ये महीलांचा मूकमोर्चा
केज-
मणिपूर येथे माणुसकीला काळीमा फासणारी घटनेच्या निषेधार्थ केज येथे आज दि. ३१ रोजी सर्व पक्षीय व सामाजिक क्षेत्रातील महीलांनी एकत्रित येऊन निषेध व्यक्त केला तसेच मोर्चा काढून केज तहसील कार्यालय येथे आपले निवेदन सादर केले.
सविस्तर माहिती अशी की, काही दिवसांपूर्वी मणिपूर येथे महीला नग्न धिंड प्रकाराने सर्व देशवासीयांनी निषेध व्यक्त केला आहे. याच पार्श्वभूमीवर आज केज येथे सर्व पक्षीय व राजकीय क्षेत्रातील महीलांनी एकत्रित येऊन शहरातून तहसील कार्यालय येथे मुक मोर्चा काढून मणिपूर येथील घटनेचा निषेध व्यक्त केला आहे.
यावेळी अनेक महीलांनी आपले मनोगत व्यक्त करून सदरील आरोपींना कठोर शिक्षा करून फाशीची शिक्षा झाली पाहिजे अशा मागणीचे निवेदन नायब तहसीलदार आशा वाघ यांना दिले.
या मुक मोर्चात केज न. प. च्या नगराध्यक्ष सिताताई बनसोड, कविताताई कराड, संगीताताई साळवे, शितलताई लांडगे , संजीवनीताई देशमुख, लक्ष्मण भाऊ हजारे, अनिताताई खंडागळे, राम कवर खरात, संतोष चाळक , अविनाश खरात, तसलीम इनामदार , राणी क्षिरसागर, शीला हजारे, सुनिता साखरे, वत्सला शिंगारे ,मीरा नाईकवाडे, लता सावंत, तारा घोडके, उर्मिला गालफाडे, गौरी शिंदे, आदींसह बहुसंख्येने महीला सहभागी झाले होते.
