अज्ञात वाहनाच्या धडकेत युवकाचा मृत्यू

अज्ञात वाहनाच्या धडकेत युवकाचा मृत्यू

गौतम बचुटे/केज :- केज-कळंब रोडवर बुद्धसृष्टी जवळील पुलावर अज्ञात वाहनाच्या धडकेत मोटार सायकल स्वाराचा मृत्यू झाला.

या बाबतची माहिती अशी की, सोमवार दि. १२ नोव्हेंबर रोजी रात्री ८:३० वा वसंत अनंत लोकरे वय ४० वर्ष रा माळेगाव ता. केज हे सेन्ट्रीग काम करणारे मिस्त्री हे त्यांचे काम आटोपून माळेगाव येथे घराकडे येत असताना त्यांना केज-कळंब रोडवरील तेले वस्तीच्या बुद्धसृष्टी जवळील पुलावर त्याना एका अज्ञात वाहनाने धडक दिली. त्यात त्यांचा जागीच मृत्यू झाला.
त्यांच्या पश्चात वृद्ध आई वडील, पत्नी, दोन मुली व एक मुलगा असा परिवार आहे.
या प्रकरणी युसुफवडगाव पोलीस ठाण्याचे सहाय्यक पोलीस निरीक्षक डॉ. संदीप दहिफळे यांच्या मार्गदर्शनाखाली सहाय्यक पोलीस उपनिरीक्षक डोईफोडे हे पुढील तपास करीत आहेत.