विडा येथील पारंपरिक धुलीवंदन ;
कोण ठरणार
गदर्भ सवारीचे मानकरी..?
केज-
तालुक्यातील विडा येथे गेल्या अनेक वर्षांपासून परंपरागत जावयाची गाढवावरून भव्य मिरवणूक काढली जाते. प्रत्येक वर्षी नवीन जावई शोध लावला जातो. त्यामुळे धुलीवंदनच्या काही दिवस अगोदरच जावई भुमिगत होतात.
त्यानंतर गावातील सक्रिय युवकांची टोळी शोधमोहीम सुरू करून जावई शोधून त्याचा योग्य पाहुणचार करून धुलीवंदनच्या दिवशी गदर्भ सवारीचे मानकरी बनवतात. हे जरी नवल वाटत असले तरी ही गावची परंपरा आहे. जावयाचा मानपान राखून,नवीन कपडे, अंगटी असा आहेर करून जावयाची खातरजमा केली जाते.
यावर्षी या पारंपरिक गदर्भ सवारीचे मानकरी म्हणून विडा गावचे जावई संतोष जाधव यांना मान मिळणार असल्याचे सुत्रांकडून खात्रीशीर माहिती आहे.
