श्री छत्रपती शिवाजी प्राथमिक शाळा आडस येथे हळदीकुंकू व माता पालकांसाठी विविध स्पर्धा संपन्न
आडस-
दिनांक 3 फेब्रुवारी 2024 रोजी श्री छत्रपती शिवाजी प्राथमिक शाळा आडस ता. केज या ठिकाणी हळदी कुंकू कार्यक्रम तसेच माता पालकांसाठी स्पर्धा व मेळावा तसेच बक्षीस वितरण कार्यक्रम आयोजित करण्यात आला होता.
या कार्यक्रमासाठी अध्यक्ष म्हणून श्री छत्रपती शिवाजी विद्यालयाचे प्राचार्य श्री देशमुख सर, प्रमुख पाहुणे म्हणून श्री आकुसकर सर ,लाखे सर, लगस्कर सर, शिनगारे सर उपस्थित होते. कार्यक्रमाचे प्रास्ताविक मुख्याध्यापक श्री अंबाड सर यांनी केले. यावेळी प्रजासत्ताक दिनानिमित्त घेण्यात आलेल्या स्पर्धा बक्षीस वितरण अध्यक्ष व प्रमुख पाहुणे यांच्या हस्ते करण्यात आले. शिनगारे सर यांनी माता-भगिनींनी मुलांच्या प्रगतीसाठी काय करायला हवे याविषयी मार्गदर्शन केले.
कार्यक्रमाचे सूत्रसंचालन सौ.पुरी रोहिणी यांनी केले यावेळी माता पालकांसाठी विविध स्पर्धा घेण्यात आल्या. शेवटी उपस्थितांचे आभार श्री कोटे सर यांनी मानले हा कार्यक्रम यशस्वी करण्यासाठी ज्येष्ठ शिक्षक श्री शेख सर व शाळेतील शिक्षक यांचे सहकार्य लाभले.
