अल्पपवयीन मुलीचा पाठलाग करून इन्स्टाग्राम अकाउंट वरून केला विनयभंग
तीघा विरुद्ध गुन्हा पोक्सो आणि आयटी ॲक्ट प्रमाणे गुन्हा दाखल
गौतम बचुटे/केज :- अल्पवयीन मुलगी ही तिच्या आते भावाकडे आली असताना तिचा पाठलाग करून तिच्या नावाने बनावट इन्स्टाग्राम अकाउंट काढून विनयभंग केल्या प्रकरणी पोक्सो आणि आयटी ॲक्ट प्रमाणे गुन्हा दाखल करण्यात आला आहे.
या बाबतची माहिती अशी की, एक अल्पवयीन मुलगी ही तिच्या आतेभावाकडे आलेली असताना केज तालुक्यातील एका युवकाने तिचा पाठलाग केला. तिचा फोटो वापरून तिचे बनावट इन्स्टाग्राम अकाउंट तयार करून त्याचा त्यावरून तिची बदनामी केली. त्याची विचारपुस करण्यासाठी नातेवाईक त्या तरुणांच्या घरी गेले लोखंडी रॉडने डोक्यात मारून जखमी केले.
तसेच त्याच्या आई वडिलांनी पीडितेच्या नातेवाईकास लाथा बुक्क्यांनी मारहाण करून जीवे मारण्याची धमकी दिली.
या प्रकरणी दि. २ फेब्रुवारी रोजी रात्री उशीरा आरोपी व त्याच्या आई-वडीला विरुध्द केज पोलीस ठाण्यात गु. र. नं. ५२/२०२४ भा. दं. वि. ३५४(ड), ३२३,३२४, ५०४, ५०६, ५००, ३४ यासह बालकांचे लैंगिक अत्याचारा पासुन संरक्षण अधिनियम २०१२ चे कलम १२ आणि माहिती तंत्रज्ञान अधिनियम २००० चे कलम ६६ (१) प्रमाणे गुन्हा दाखल करण्यात आला आहे.
या प्रकरणी केज पोलीस ठाण्याचे प्रभारी पोलीस निरीक्षक प्रशांत महाजन हे पुढील तपास करीत आहेत.
