विद्यार्थ्यांनी कृतिशील व्हावे—–डॉ हनुमंत सौदागर
युसूफवडगाव माध्यमिक विद्यालयातील विद्यार्थ्यांना कला व साहित्यविषयक मार्गदर्शन
केज दि ७(प्रतिनिधी)
विद्यार्थ्यांनी कलेतून आनंद घ्यावा कला साहित्य याच्या आवडी जोपासत कृतिशील व्हावे असे मत डॉ हनुमंत सौदागर यांनी व्यक्त केले ते
युसूफडगाव माध्यमिक विद्यालयातील विद्यार्थ्यांना कला व साहित्य विषयक मार्गदर्शन करताना प्रमुख मार्गदर्शक म्हणून बोलत होते. कार्यक्रमाचे अध्यक्ष मुख्याध्यापक ए यु भोसले,प्रमुख मार्गदर्शक डॉ हनुमंत सौदागर,प्रमुख उपस्थिती सहशिक्षक राहुल कांबळे,अनिल मस्के,ए एस गलांडे आदींची होती. आर एन कांबळे यांना शरद पवार इन्सपायर फेलोशीप प्राप्त झाली. याबद्दल विद्यार्थ्यांसाठी विविध उपक्रमाचे आयोजन करण्यात येते
विद्यार्थ्यांमध्ये पौगंड अवस्थेत होणारे बदल आणि उपाययोजना या विषयी मार्गदर्शन कार्यक्रम घेण्यात आला.
विद्यार्थ्यांच्या स्वलिखित कविता भित्तिपत्रकाचे अनावरण करण्यात आले.
पुढे बोलताना ते म्हणाले आनंदी जीवन जगण्यासाठी कला आणि साहित्य महत्वाचे आहे.
आवडीनुसार विद्यार्थ्यांनी वाचन करावे. चांगले वाईट यामधील फरक समजून घ्यावा. पर्यावरणाचे संवर्धन करावे शिक्षणातून चांगला माणूस घडायला हवा असे मत व्यक्त केले. कार्यक्रमाचे अध्यक्ष श्री भोसले म्हणाले विद्यार्थ्यांनी चांगल्या गोष्टीचे अनुकरण करावे असे मत व्यक्त केले. कार्यक्रमाचे प्रस्ताविक श्री कांबळे यांनी केले तर आभार मस्के यांनी मानले.
