पती हरवल्याची पत्नीची केज पोलिसात फिर्याद दाखल
केज-
शहरातील शाहुनगर येथे राहत असलेले रामदास भानुदास सपकाळ वय वर्ष ४४ हे केकतसारणी आपल्या मुळ गावी शेतात जातो म्हणून गेले ते घरी आले नसल्याने पत्नीने पती हरवल्याची तक्रार केज- पोलिसांत दाखल केली आहे.
याबाबत माहिती अशी की, हल्ली मुक्काम केज येथे राहत असलेले रामदास भानुदास सपकाळ हे मुळ गावी केकतसारणी येथे शेती करतात. ते दि. ११ रोजी दुपारी २:३० च्या सुमारास घरातून शेतीतील सोयाबीन पाहून येतो असे म्हणत मोबाईल घरी चार्जिंग ला लावून स्वताची दुचाकीवरून घरातून गेले. रात्री उशिरापर्यंत घरी न आल्याने त्यांच्या पत्नी राधा रामदास सपकाळ यांनी गावाकडील नातेवाईक, पुतने, यांच्याकडे मोबाईलवरून चौकशी केली तेव्हा त्यांची दुचाकी शेतात उभी असल्याचे सांगितले पण, त्यांची माहिती मिळाली नाही.
दि. १२ रोजी पत्नीने केज पोलिस ठाण्यात जाऊन पती हरवले असल्याची तक्रार दाखल केली आहे.
रामदास भानुदास सपकाळ हे घरातून जाताना पांढरा रंगाचा शर्ट, काळी पॅन्ट, वर्ण सावळा, असे वर्णन आहे.
चार दिवस उलटुन ही त्यांचा तपास लागला नाही. असे त्यांच्या पत्नीने सांगितले आहे.
याबाबत केज पोलीस ठाण्याचे अहंकारे हे तपास करत आहेत.
