घरफोडी मधीलआरोपीच्या पोलिसांच्या डी बी पथकाने मुसक्या आवळल्या
केज :- घरफोड्या आणि चोरी प्रकरणातील सात वर्षा पासून फरार असलेल्या एका फरार आरोपीच्या केज पोलीसांच्या डी बी पथकाने मुसक्या आवळल्या.
या बाबतची माहिती अशी की, घरफोडी प्रकरणातील आरोपी लक्ष्मण जनार्धन काळे हा मागील सात वर्षांपासून फरार होता. तो पोलिसांनी चकवा देत होता. दरम्यान दि. २० फेब्रुवारी रोजी तो केज तालुक्यातील दैठना वस्तीवर आला असल्याची गुप्त माहिती पोलिसांना मिळताच पोलीस निरीक्षक बाळासाहेब पवार यांच्या मार्गदर्शनाखाली केज पोलिसांचे डीबी पथक प्रमुख सहाय्यक पोलीस उपनिरीक्षक राम यादव आणि पोलीस नाईक दिलीप गित्ते व त्रिंबक सोपणे यांनी आरोपी गाफील असताना खाजगी वाहनाने जाऊन त्याच्या मूसक्या आवळल्या.
सात वर्षा पासून फरार असलेला आरोपी ताब्यात घेतल्यामुळे पोलीस निरीक्षक बाळासाहेब पवार यांच्यासह डीबी पथक प्रमुख सहाय्यक पोलीस उपनिरीक्षक राम यादव, पोलीस नाईक दिलीप गित्ते व त्रिंबक यादव यांचे कौतुक होत आहे.
