तेवीस वर्षीय विवाहितेचा विनयभंग;
फिर्यादी महीला व पतीवरही गुन्हा दाखल
गौतम बचुटे/केज :-
घरा समोर झोपलेल्या एका २३ वर्षीय विवाहित तरुणीचा विनयभंग केल्याची घटना केज तालुक्यात घडली आहे.
केज तालुक्यातील २३ वर्षीय विवाहीत तरुणी दि. २ फेब्रुवारी रोजी तिच्या घरा समोर झोपलेली असताना मद्यरात्री २:०० वा. च्या सुमारास आरोपी याने तिच्या हाताला धरून लज्जा उत्पन्न होईल असे कृत्य करून विनयभंग केला.
महीलेच्या फिर्यादीवरून दि. ५ फेब्रुवारी रोजी आरोपी याच्या विरुद्ध केज पोलीस ठाण्यात गु. र. नं. ६३/२०२३ भा. द. वी. ३५४ नुसार गुन्हा दाखल करण्यात आला आहे. पोलीस नाईक अशोक मेसे हे पुढील तपास करीत आहेत.
————————
फिर्यादी महिला आणि तिच्या पती विरुध्द ही गुन्हा दाखल :-
दरम्यान विनयभंग प्रकरणातील आरोपी याने फिर्यादी विवाहिता आणि तिच्या पती विरुद्ध केज पोलीस ठाण्यात दिलेल्या तक्रारीत म्हटले आहे की, दि. १ फेब्रुवारी रोजी विवाहितेचा पती याने त्याला दारू पाजून कुऱ्हाडीने व चाकुने मारहाण करून रक्तबंबाळ केले. तसेच जीवे मारण्याची धमकी दिली.
त्याच्या तक्रारी वरून फिर्यादी महिला व तिचा पती या दोघा विरुद्ध गु. र. नं. ६२/२०२३ भा. दं. वि. ३२४, ३२३, ५०४, ५०६ आणि ३४ नुसार गुन्हा दाखल करण्यात आला आहे. त्याचा तपास पोलीस नाईक उगलमुगले हे करीत आहेत.
