*ज्यांना ‘मेंबर’ की ‘नेंबर’ यांच्यातला फरक कळेना ते म्हणतात……*
*”व्हय मग आता कसं करावं ? राहू का उभा ?”*
गौतम बचुटे/केज :- तालुक्यातील ग्रामपंचायती सार्वत्रिक निवडणुकीचे उमेदवारी अर्ज भरायला अवघे चार दिवस उरले असल्याने आता स्वतःची उमेदवारी स्वतःच जाहीर केलेले उमेदवार आता गलोगल्ली दिसायला लागले आहेत अन ते कुणालाही न विचारता समोर दिसेल त्याला म्हणतात, ” व्हय मग कसं करू राहू का उभा ?” आता निवडणूक लढवायला इच्छुक असलेल्या आणि निवडून येऊन ज्यांना पाच वर्षात कधी मासिक बैठकीला हजर रहायला वेळ मिळाला नाही ज्यांना फक्त चिरीमिरी घेण्यात अन लोकांना भूलथापा देऊन स्वतः चे उखळ पांढरे करून घेण्यात धन्यता मानली त्यांना हे ग्राम पंचायतीचे १ ते ३३ पर्यंतचे अभिलेखे काय भानगड आहे ते माहिती नाही. त्यांच्या कडून आता विकासाच्या काय अपेक्षा ! आता हे जे कोणी सरपंच, उपसरपंच आणि सदस्य राहिलेत त्यांना तरी हे अभिलरखे माहीत आहेत की नाही! अनेकजण तर मराठीत बोलण्या ऐवजी आपण किती हुशार आहोत हे दाखविण्यासाठी *’मेंबर’* ऐवजी *’नेंबर’* असा उच्चार करतात !
