राजमुद्रा गणेश मंडळाच्या ‘बद्रीनाथ धाम’ देखाव्याचे भव्य उद्घाटन व महाआरती संपन्न
केज : राजमुद्रा गणेश मंडळाच्या वतीने यंदाच्या गणेशोत्सवानिमित्त
साकारण्यात आलेल्या भव्य ‘बद्रीनाथ धाम’ देखाव्याचे उद्घाटन व महाआरती आज मोठ्या उत्साहात आणि भक्तिमय वातावरणात संपन्न झाली.
या भव्य सोहळ्यास अंबाजोगाई सहकारी साखर कारखान्याचे चेअरमन मा. श्री. रमेशरावजी आडसकर साहेब, केज नगरपंचायतीच्या नगराध्यक्षा सीताताई बनसोड, गटनेते मा. हारूनभाई इनामदार, दिलीपराव गुळभिले, रणजितदादा आडसकर, अरुण बप्पा धपाटे, युवक केज तालुका अध्यक्ष शिवदास थळकरी, गजमफर इनामदार, नगरसेवक सुग्रीव भाऊ कराड, राजू इनामदार, खैसर इनामदार, सुशील भैया अंधारे, अजय काळे, सुनील बापू देशमुख, योगेश शिंदे, सुधीर शिंदे, बाळासाहेब नांदे, सुहास गुजर, शिवाजी हजारे, सय्यद शकील, मिनाज पठाण, अशोक सोनवणे, विजय आरकडे, योगेश देशमुख यांची प्रमुख उपस्थिती होती.
मान्यवरांच्या शुभहस्ते बद्रीनाथ धाम देखाव्याचे उद्घाटन करण्यात आले. त्यानंतर उपस्थित मान्यवरांच्या हस्ते विधिवत महाआरती पार पडली. यावेळी परिसरात भक्तिमय वातावरण निर्माण झाले होते.
राजमुद्रा गणेश मंडळ गेल्या अनेक वर्षांपासून गणेशोत्सवात विविध भव्य-दिव्य आणि आकर्षक देखावे साकारून सामाजिक व सांस्कृतिक परंपरा जपत आहे. यंदाचा बद्रीनाथ धामचा देखावा भाविक व नागरिकांसाठी विशेष आकर्षण ठरत असून, देखावा पाहण्यासाठी नागरिकांची मोठी गर्दी होत आहे.
यावेळी राजमुद्रा गणेश मंडळाच्या पदाधिकारी, कार्यकर्ते व भाविक मोठ्या संख्येने उपस्थित होते.
