गोविंदेश्वर प्राथमिक शाळेत लेखन प्रेरणा दिन साजरा;
नांदेड : लोकशाहीर डॉ. अण्णाभाऊ साठे यांच्या जयंतीनिमित्त गोविंदेश्वर प्राथमिक शाळा, खंडोबा चौक, तरोडा बु., नांदेड येथे लेखन प्रेरणा दिन उत्साहात साजरा करण्यात आला.
यावेळी कार्यक्रमाचे अध्यक्ष व शाळेचे मुख्याध्यापक सचिन दिग्रसकर होते. यांच्या हस्ते डॉ. अण्णाभाऊ साठे यांच्या प्रतिमेस पुष्पहार अर्पण करून अभिवादन करण्यात आले. त्यांच्या साहित्यिक, सामाजिक व परिवर्तनवादी कार्याचा परिचय विद्यार्थ्यांना करून देण्यात आला. विद्यार्थ्यांमध्ये लेखनाची आवड निर्माण व्हावी व सर्जनशीलतेला चालना मिळावी या उद्देशाने निबंध लेखन, सुविचार लेखन व हस्ताक्षर लेखन यांसारख्या विविध उपक्रमांचे आयोजन करण्यात आले.
कार्यक्रम मुख्याध्यापक सचिन दिग्रसकर यांच्या मार्गदर्शनाखाली पार पडला. यावेळी शिक्षक व शिक्षकेतर कर्मचारी दिगंबर कल्याणकर सूर्यकांत जाधव संध्या सिंदगीकर सीमा दिग्रसकर उपस्थित होते. कार्यक्रमाच्या शेवटी विद्यार्थ्यांना नियमित वाचन-लेखनाची सवय जोपासण्याचे आवाहन करण्यात आले.
