मांजरा नदी दुथडी भरून वाहू लागली;
मांजरा प्रकल्पात ६५% पेक्षा जास्त जलसाठा
गौतम बचुटे/केज :-
बीड, लातूर आणि धाराशिव या तीन जिल्ह्यातील शेतकरी आणि पाणी पुरवठा यासाठी जिल्ह्यातील नागरिकांना महत्वाचा असलेला मांजरा प्रकल्प रात्री झालेल्या सर्वदूर पावसाने ६५.% पेक्षा जास्त भरला आहे.
बीड, लातूर आणि धाराशिव जिल्ह्यातील शेतकरी यांच्या शेती बरोबरच तीन जिल्ह्यातील लोकांची तहान भागविणारा बीड जिल्ह्यातील महत्वाचा समजला जाणारा धनेगाव येथील मांजरा प्रकल्प हा रात्री सर्वदूर पडलेल्या दमदार पावसाने ६५.८४% भरले असल्याची माहिती प्रकल्पाचे अभियंता यांनी दिली आहे.
दि. १४ ऑगस्ट रोजी झालेल्या सर्वदूर दमदार पावसाने मांजरा प्रकल्पात मागील २४ तासात झालेल्या पावसाने ७.९१६ दशलक्ष घन मिटर पाणी जमा होणे सुरू आहे. या प्रकल्पाची क्षमता ही २२४.०९३ दशलक्ष घन मिटर असून त्या पैकी १६३.६५० एवढा जलसाठा जमा झालेला असून ६५.८४% एवढे धरण भरले आहे. धरणातील पाण्याची पातळी ही ६४०.८० मीटर एवढी आहे.
