स्व.संतोष देशमुखांच्या पाणी क्रांतीला राष्ट्रीय मान्यता”; मस्साजोगच्या विद्यमान सरपंचांना दिल्लीतील ध्वजारोहणाचे निमंत्रण;
केज-
स्वातंत्र्य दिनानिमित्त दिल्ली येथे होणाऱ्या ध्वजारोहण सोहळ्यास उपस्थित राहण्यासाठी केज तालुक्यातील मस्साजोग येथील महीला सरपंच वर्षा सोनवणे व त्यांचे पती आनंदराव सोनवणे यांना केंद्र सरकारच्या वतीने निमंत्रित केले आहे. बीडचे जिल्हाधिकारी यांनी हे निमंत्रण पत्र शासकीय कर्मचारी यांच्या वतीने सरपंच वर्षा सोनवणे यांचे कडे सुपुर्द केला आहे. यावेळी धनंजय देशमुख व सरपंच पती आनंदराव सोनवणे हे उपस्थित होते.
दिल्ली येथे १५ ऑगस्ट ध्वजारोहण सोहळ्यास उपस्थित रहाणार्या महाराष्ट्रातील एकमेव सरपंच आहेत.
स्व. सरपंच संतोष देशमुख यांनी त्यांच्या कारकिर्दीत केलेल्या पाणीदार शिवार व आदर्श ग्रामपंचायतच्या माध्यमातून राबविलेल्या अनेक विकास योजनांची दखल राष्ट्रीय पातळीवर घेऊनच मस्साजोग येथील विद्यमान सरपंच व त्यांचे पती यांना हे विशेष निमंत्रण मिळाले आहे. त्यामुळे मस्साजोग येथील ग्रामस्थ व संपूर्ण केज तालुक्यातील आनंद व्यक्त करत आहेत.
