सतत विजेच्या लपंडावामुळे नागरिक हैराण ;
दहा एमव्हीए चा ट्रान्सफॉर्मर बसवला तरीही परिस्थिती जैसे थे
केज-
केज शहरात मागील काही दिवसांत तासनतास सतत विजेचा लपंडाव चालू असल्याने नागरीक हैराण झाले आहेत.
कोणतीही पुर्वसुचना न देता दिवसा व रात्री विज पुरवठा खंडित होत आहे. विज वितरण कार्यालयात संपर्क केला असता फोन लागत नाही त्यामुळे तक्रार कोणाकडे करावी असा यक्षप्रश्न निर्माण होत आहे. मागील काही दिवसांपूर्वी दहा एमव्हीए क्षमतेचा विद्युत ट्रान्सफॉर्मर बसवला असून आतातरी विज पुरवठा अखंडीतपणे चालू राहील अशी अपेक्षा होती, परंतु पुन्हा परिस्थिती जैसे थेच असल्याने सतत वीजपुरवठा खंडित होत असल्याने शासकीय कामकाजात अडथळा निर्माण होत आहे. त्यामुळे नागरिकांना आर्थिक दंड व मानसिक त्रास सोसावा लागत आहे.
उन्हाळा असल्याने पिण्याच्या पाण्याचा प्रश्न गंभीर बनला आहे. विजेच्या लपंडावामुळे पाणी पुरवठा योजना ठप्प पडत आहे. तसेच उकाड्याने नागरीकांची लाही होत आहे.
विज वितरण कंपनीने विज पुरवठा सुरळीत करून नागरिकांना होणारा त्रास दुर करावा अशी मागणी नागरिकांतून होत आहे.
