श्री छत्रपती शिवाजी विद्यालयाची कु. धनश्री धनराज म्हेत्रेची नवोदय विद्यालया साठी निवड
आडस-
श्री छत्रपती शिवाजी विद्यालय, आडस येथील अभ्यासामध्ये तल्लख आणि सातत्य असणारी विद्यार्थिनी कु. धनश्री धनराज म्हेत्रे हिची नवोदय प्रवेश परीक्षेतून इयत्ता 6 वी साठी नवोदय विद्यालय, गढी (ता. गेवराई, जि. बीड) येथे निवड झाली आहे. तिच्या या यशामुळे संपूर्ण शाळेचा गौरव वाढला आहे.
या यशामध्ये शाळेचे मुख्याध्यापक मा. राजेश देशमुख सर, पर्यवेक्षक श्री. लाखे सर, वर्गशिक्षक श्री. सुरेश शिनगारे सर, मार्गदर्शक पाशा सर तसेच शाळेतील सर्व शिक्षक व शिक्षकेतर कर्मचाऱ्यांचे मार्गदर्शन व सहकार्य महत्त्वाचे ठरले.
कु. धनश्री हिने कठोर परिश्रम, सातत्य आणि समर्पण , शिक्षकांचे मार्गदर्शन आणि कुंदुबातील सदस्यांच्या भक्कम पाठबळाच्या जोरावर हे यश संपादन केले. तिच्या उज्ज्वल भविष्यासाठी शाळेच्या सर्व शिक्षकांनी तिचे मनःपूर्वक अभिनंदन केले असून भविष्यातही तिला अधिकाधिक यश मिळावे, अशी सदिच्छा व्यक्त केली.
“शिस्त, मेहनत आणि योग्य मार्गदर्शनामुळे यश शक्य आहे!” – मुख्याध्यापक मा. राजेश देशमुख
या यशाने शाळेतील इतर विद्यार्थ्यांना प्रेरणा मिळेल आणि नवोदय परीक्षेसाठी अधिकाधिक विद्यार्थी प्रयत्नशील होतील, अशी अपेक्षा व्यक्त करण्यात आली.
तिच्या या यशा बद्दल श्री शिवाजी शिक्षण संस्थेचे सचिव सौ. अर्चनाताई रमेशराव आडसकर यांनीही तिचे अभिनंदन केले.
