महिला सक्षमीकरणासाठी येडेश्वरी फांऊडेशन काम करेल: खा.सोनवणे केजमध्ये येडेश्वरी फाऊंडेशनच्या कार्यालयाचे महिला दिनी उद्घाटन, कतृर्त्ववान महिलांचा केला सन्मान

महिला सक्षमीकरणासाठी येडेश्वरी फांऊडेशन काम करेल: खा.सोनवणे
केजमध्ये येडेश्वरी फाऊंडेशनच्या कार्यालयाचे महिला दिनी उद्घाटन, कतृर्त्ववान महिलांचा केला सन्मान

केज: शासनाने लाडकी बहिन योजना सुरू केली आहे. परंतु त्यातून महिला सक्षम होणार नाहीत. तर महिला सक्षमीकरणासाठी रोजगार निर्मीती करणे आवश्यक आहे. हा उद्देश ठेवून आपण येडेश्वरी फांऊडेशनच्या माध्यमातून महिलांना रोजगार निर्मीती करून देण्याचे काम करणार आहोत. सुरूवातीला केज आणि आगामी काळात जिल्हाभरात हा प्रयोग करू, असे प्रतिपादन खा.बजरंग सोनवणे यांनी केले.

८ मार्च जागतीक महिला दिनानिमीत्त केजमध्ये येडेश्वरी फांऊडेशन कार्यालयाचा उद्घाटन सोहळा खा.बरजंर सोनवणे यांच्या शुभहस्ते संपन्न झाला. यावेळी कतृर्त्ववान महिलांचाही सन्मान करण्यात आला. कार्यक्रमाला जिल्हाध्यक्ष संजीवनी देशमुख, पंचायत समितीचे माजी सभापती ज्ञानेश्वर चौरे, नसरीन बागवान, अनिता कांबळे, नगरसेवक भाऊसाहेब गुंड, दलील इनामदार, सय्यद शरीफ, सरपंच बप्पा डोंगरे, बबन जाधव, श्रीकांत घुले, मुन्ना चालक, संभाजी लोमटे, शितल लांडगे यांची उपस्थिती होती. यावेळी पुढे बोलताना खा.बजरंग सोनवणे म्हणाले, महिलांच्या बाबतीत काम करताना येडेश्वरी फाऊंडेशनची पुर्ण जबाबदारी शितलताई लांडगे यांच्यावर दिलेली आहे. या फाऊंडेशनच्या माध्यमातून महिलांसाठी शिवनक्लास, छोटे-छोटे बचतगटाच्या माध्यमातून व्यवसाय, पापड उद्योगापासून ते अनेक उद्योग यातून करता येतील. यातून पैसे उभा करणे आणि घर चालविता येतील. या फाऊंडेशनच्या माध्यमातून बचत गटासाठी प्रशिक्षण किंवा मार्गदर्शन आणि सहकार्य केले जाईल. पहिला प्रयोग हा केजमधून करत आहोत. सुरूवातीला सहा महिन्यात केजमध्ये जाळे निर्माण करू, यानंतर बीड जिल्ह्यातील प्रत्येक गावात फाऊंडेशनच्या माध्यमातून महिला सक्षमीकरणासाठी प्रयत्न करू. हे करण्यासाठी दहा ते पंधरा लोक एकत्रितरित्या काम करतील. पक्ष, संघटना आणि राजकारण बाजुला ठेवून, गरजू महिलांसाठी रोजगार निर्मीती करू. एक चांगल्या उद्देशाने आपण सर्वांनी हे काम करून महिला सक्षमीकरणासाठी प्रयत्न करायचे आहेत. आपण सर्वजण या कामासाठी पुढे याल, असा विश्वास आहेच पण त्यासाठी आपला वेळही द्या, असे आवाहनही खा.बजरंग सोनवणे यांनी केले.