केज नगरपंचायतला नगरपरिषदेचा दर्जा मिळण्याचा मार्ग मोकळा :
आ. नमिता मुंदडा
केज/प्रतिनिधीः केज शहराचा वाढता भोगोलिक विस्तार व लोकसंख्या विचारात घेऊन ग्रामपंचायतचे नगरपंचायतमध्ये रूपांतर झाले. आता अल्पावधीतच नगरपंचायतला दर्जा वाढ मिळून नगरपरिषद अस्तित्वात येणार असल्याची माहिती आ. नमिता मुंदडा यांनी दिली.
शहरातील विकासाला निधीची कमतरता भासत असल्याने यापूर्वी ग्रामपंचायतचे नगरपंचायतमध्ये रूपांतर करण्यात आले. तरीही शहराचा
झालेला भोगोलिक विस्तार व वाढती लोकसंख्या यामुळे नागरिकांची मुलभूत सोयी-सुविधांसाठी परवडच होत असल्याने आमदार नमिता मुंदडा यांनी नगरपंचायतला नगरपरिषदेचा दर्जा देण्याचा प्रस्ताव शासनाकडे दिला आहे. त्यासाठी विधीमंडळाच्या अधिवेशनात तारांकित प्रश्न व लक्षवेधी उपस्थित करून याकडे शासनाचे लक्ष
वेधले होते. तसेच शासनाकडे पत्रव्यवहार व पाठपुराव्याला यश येऊन नगरपरिषद आस्तित्वात येणार असल्याच्या हालचाली शासन स्तरावर सुरू झाल्या आहेत. त्यानुसार राज्य शासनाकडून यासंबंधी जाहीर प्रगटन व नाहरकती मागवण्याची प्रक्रिया सुरू करण्यात आली आहे. ही प्रक्रिया पूर्ण झाल्यानंतर त्यासंबधी आधीसूचना काढण्यात येऊन नगरपंचायतचे नगरपरिषदेत रूपांतर होणार असल्याची माहिती आमदार नमिता मुंदडा यांनी दिली.
