*सोशल मीडियावर सामाजिक तेढ निर्माण करणाऱ्या विरुद्ध पोलीसांनी करडी नजर*
*आक्षेपार्ह पोस्ट व्हायरल करणाऱ्या माथेफिरू विरुद्ध गुन्हा दाखल*
गौतम बचुटे/केज :- सोशल मीडियावर दोन समाजात तेढ निर्माण होईल अशी पोस्ट व्हायरल केल्या प्रकरणी केज पोलीसांनी एका माथेफिरू विरुद्ध गुन्हा दाखल केला आहे.
या बाबतची माहिती अशी की, दि. २० ऑक्टोबर रोजी केज पोलीसांना एका गुप्त खबऱ्या मार्फत माहिती मिळाली की, एका माथेफिरूने त्याच्या फेसबुक अकाऊंटच्या आयडीवर एका समाजाच्या भावना भडकाविणारी पोस्ट व्हायरल केली आहे. त्याची माहिती गोपनीय शाखेचे पोलीस नाईक मतीन शेख यांनी त्यांचे प्रभारी अधिकारी वरिष्ठ पोलीस निरीक्षक प्रशांत महाजन यांना दिली. त्यांच्या आदेशावरून गोपनीय शाखेचे मतीन शेख यांनी तपास करून माहिती घेतली असता सदर तरुण हा केज शहरातील असल्याचे निष्पन्न झाले. त्या नंतर पोलीस निरीक्षक प्रशांत महाजन यांच्या आदेशाने मतीन शेख यांच्या तक्रारीवरून केज पोलीस ठाण्यात प्रेम लांडगे यांच्या विरुद्ध गु. र. नं. ५६१/२०२४ भा. न्या. सं. १९६, ३५३(२) या सह माहिती तंत्रज्ञान अधिनियम २००० चे कलम ६६ नुसार गुन्हा दाखल करण्यात आला आहे.
त्याचा तपास स्वतः पोलीस निरीक्षक प्रशांत महाजन हे करीत आहेत.
