गुन्हे दाखल होताच एचपीएम कंपनी आली ताळ्यावर
टोलनाक्यावरील सर्व अडथळे हटविले
गौतम बचुटे/केज :- टोल नाक्यावर मातीचे ढिगारे आणि सिमेंट काँक्रीटचे मोठमोठे तुकडे टाकून रस्त्यावर अडथळा निर्माण केल्याने भीषण अपघात घडला त्यात एका दोन महिन्याच्या मुलीचा हात धडापासून तुटला होता आणि तुटलेला हात तब्बल अठरा तासाने अपघात स्थळी आढळून आला त्या प्रकरणी पोलिसांनी एचपीएम कंपनीचे मालक मॅनेजर आणि अपघाताला जबाबदार असलेले यंत्रणा यांच्या विरूद्ध गुन्हे दाखल होताच तात्काळ टोल नाक्यावरील सर्व अडथळे हटविण्यात आले आहेत. तसेच टोल नाक्यावर सिग्नल यंत्रणा, सूचना फलक आणि प्रकाश योजना करण्यासाठी पोलीस निरिक्षक प्रशांत महाजन हे प्रयत्न करीत आहेत.
दरम्यान या पूर्वीचं जर एचपीएम कंपनीने या ठिकाणी रस्ता सुरक्षा व त्या दक्षता घेतली असती तर अनेक अपघात टाळता आले असते.
