एका मुकबधीर महिलेवर लैंगिक अत्याचार;
केज तालुक्यातील घटना
गौतम बचुटे/केज :-
बीड
जिल्ह्यातील माजलगाव तालुक्यातील घटना ताजी असतानाच पुन्हा एकदा केज तालुक्यात एका जन्मात: मुकबधीर असलेल्या एका ४३ वर्षीय दिव्यांग महिलेवर तिच्या घरी कोणी नसल्याची संधी साधून गावातील एकाने बळजबरीने लैंगिक अत्याचार केल्याची किळसवाणी व चीड निर्माण करणारी घटना घडली आहे.
या बाबतची माहिती अशी की, केज तालुक्यातील एका गावात एक जन्मतः मूक-बधीर असलेली महिला आहे. तिचे लग्न झालेली असून ती माहेरीच आई वडिलांकडे राहत आहे.
दि. ७ ऑक्टोबर रोजी तिचे आई वडील हे दुसऱ्याच्या शेतात मजुरीने सोयाबीनची कापणी करण्यासाठी तिला घरी ठेवून गेले होते. ती मुकबधीर महिला एकटीच घरी असल्याची संधी साधून त्यांच्या भावकीतील एका नराधमाने दुपारी ३:०० वा. च्या सुमारास तिच्या घरात घुसून तिच्यावर तिच्या इच्छेविरुद्ध बळजबरीने लैंगिक अत्याचार केला. तिच्या घराचा दरवाजा अर्धवट उघडा असल्याने तिच्या चुलतीने घरात जावून पाहिले असता त्यांच्या शेजारी राहत असलेला नराधम तिच्यावर लैंगिक अत्याचार करीत असल्याचे तिने पाहिले. त्या नंतर तो नराधम मोटार सायकल वरून निघून गेला.
त्या नंतर दि. ८ ऑक्टोबर रोजी पीडित महिलेच्या चुलतीच्या फिर्यादी वरून केज पोलीस ठाण्यात त्या मूकबधिर महिलेवर लैंगिक अत्याचार करणाऱ्या नराधमा विरुद्ध गु. र. नं. ५३५/२०२४ भा. न्या. सं. ६४, ३३३ नुसार गुन्हा दाखल करण्यात आला आहे.
पोलीस निरीक्षक प्रशांत महाजन यांच्या मार्गदर्शनाखाली पोलिस उपनिरक्षक आनंद शिंदे हे पुढील तपास करीत आहेत.
