केज शहरातील मुलांचे अपहरण प्रकरणाला वेगळे वळण
न्यायालयाच्या निदर्शनाने आरोपीच्या फिर्यादीवरून ११ जणांवर गुन्हा नोंद.
केज शहरात अपहरण करते म्हणून काही युवकांनी आरोपी विजय भंडारी यास जबरदस्त मारहाण केली होती.
शाळकरी मुलाचे अपहरण करण्याच्या संशयावरून येथील मच्छीमार्केट परिसरात सोमवारी एकास पकडून त्याला बेदम मारहाण करून त्याची कार फोडून नुकसान केल्याप्रकरणी केज न्यायालयाच्या निर्देशानुसार एकूण ११ जणांविरुद्ध केज पोलिसात गुन्हा नोंद झाला आहे. केज येथील भीमनगर भागात अंकुर मस्के याला चॉकलेटचे आमिष दाखवून त्याचे अपहरण करण्याच्या संशयावरून मारहाणीची घटना घडली होती. तर याप्रकरणी पोलिसांनी धनराज वळसे केज, आणि विजय गोपीनाथ भंडारी या सनसर, जि. पुणे यांना ताब्यात घेऊन मंगळवारी केज न्यायालयात हजर केले. परंतु जमावाने आपल्याला बेदम मारहाण करुन कार फोडल्याची कैफियत विजय भंडारी याने मांडली. यावर आरोपीची फिर्याद नोंदवून घेण्याचे आदेश केज न्यायालयाने दिले. त्यानुसार मारहाण करुन कार फोडणाऱ्या ११ जणांविरुद्ध गुन्हा नोंद झाला. यात शरद धिवार, शाबेर हबीब शेख परमेश्वर मस्के, दिपक मस्के व इतर सात आठ अनओळखीच्या लोकांवर गुर न.508/2024 कलम 189(12)192(2)191(3)190,118,115,352,324 (4/5) या कलमानुसार केज पोलीस ठाण्यात गुन्हा नोंद करण्यात आला आहे.
