डॉ अंजलीताई घाडगे यांची राष्ट्रवादी काँग्रेस शरद पवार पक्षात प्रवेश
येणार्या काळात केज मतदारसंघात योग्य संधी देऊन न्याय देण्याचे मा. जयंत पाटील यांनी केले मोठे विधान
केज-
केज मतदारसंघातील सामाजिक कार्यकर्त्या डॉ अंजलीताई घाडगे यांनी रा. कॉ. शरदचंद्र पवार गटाचे प्रदेशाध्यक्ष मा. जयंत पाटील यांच्या उपस्थितीत एका आयोजित मेळाव्यात पक्ष प्रवेश केला आहे.
यावेळी मा. जयंत पाटील यांनी आपल्या भाषणातून अंजलीताई घाडगे यांची माहिती उपस्थित नेते, कार्यकर्ते यांना देताना सांगितले की, डॉ अंजलीताई घाडगे या उच्च शिक्षित असून त्यांचे सामाजिक, राजकीय क्षेत्रात चांगले कार्य आहे. शिव स्वराज्य यात्रा केज मतदारसंघात पोहचल्यानंतर त्यांनी व त्यांच्या संबधित कार्यकर्ते यांनी खूप छान पध्दतीने स्वागत केले आहे.
तसेच त्यांनी २०१४ ची विधानसभा निवडणुक कॉंग्रेस पक्षाकडून लढवली असल्याने राजकीय अनूभव आहे.
येत्या काळात केज मतदारसंघात त्यांना योग्य संधी देऊन काम करण्याची जबाबदारी दिली जाईल. असे वक्तव्य केले आहे.
या विधानामुळे केज मतदारसंघातून डॉ अंजलीताई घाडगे यांच्या रूपानें सर्व परिचित व सर्व नेते, कार्यकर्ते यांच्या सोबत असणारे मैत्रीपूर्ण संबंध असणारा चेहरा दिला जावा अशी चर्चा केज मतदारसंघात होत आहे.
