वनविभागाची गाडी रस्त्याच्या बाजूला खड्ड्यात गेली
गौतम बचुटे/केज :-
केज अंबाजोगाई रस्त्यावर चालकाचा गाडीवरील ताबा सुटल्याने कुंबेफळ ते चंदनसावरगाव दरम्यान रस्त्याच्या खड्ड्यात गेली. सुदैवाने यात कोणी जखमी झाले नाही.
या बाबतची माहिती अशी की, दि. २० जुलै रोजी सायंकाळी ५:३० च्या दरम्यान केजकडून अंबाजोगाईकडे रोपे घेवून जात असलेली महाराष्ट्र शासनाच्या वन विभागाची गाडी क्र. (एम एच-३०/एफ जी-३२१३) ही कुंबेफळ ते चंदनसावरगाव दरम्यान चालकाचा वाहनावरील ताबा सुटल्याने रस्त्याच्या उजव्या बाजूला रोडच्या कडेच्या खड्ड्यात गेली. सुदैवाने यात कोणीही जखमी झाले नाही. अपघाताचे कारण समजले नसले तरी सदर अपघात हा वाहना समोर शेळ्या आडव्या आल्याने त्यांना चुकविण्याच्या नादात अपघात घडला असावा. अशी चर्चा आहे.
