केज तालुक्यातून दोन अल्पवयीन मुलींचे अपहरण
गौतम बचुटे/केज :-
केज शहरातील आणि तालुक्यातील एका खेडे गावातील अशा दोन वेगवेगळ्या घटनेत दोन अल्पवयीन मुलींचे अपहरण करण्यात आल्याच्या घटना घडल्या आहेत.
या बाबतची माहिती अशी की, दि.१८ जुलै रोजी दुपारी १:०० वाजण्याचे सुमारास केज शहरातील मुलगी वय (१४ वर्षे) हिचे आई वडील मोलमजुरीसाठी बाहेरगावी गेले असताना तिचे राहत्या घरातून कोणीतरी अज्ञात व्यक्तीने अज्ञात कारणासाठी अपहरण केले आहे. मुलीच्या नातेवाईक यांच्या तक्रारी वरून केज पोलीस ठाण्यात अपहरणाचा गुन्हा दाखल करण्यात आला आहे.
तसेच दुसऱ्या घटनेत तालुक्यातील एका गावातील मुलगी वय (१५ वर्ष) ही बडेबाबा दुपारी १२:०० वा.च्या सुमारास तिचा भाऊ आजारी असल्याचे कारण सांगून दप्तर शाळेत ठेवून निघून गेली आहे.
तिचे वडील यांच्या तक्रारी वरून केज पोलीस ठाण्यात अज्ञात व्यक्ती विरुद्ध अज्ञात कारणासाठी पळवुन नेले असल्याचा तक्रार करण्यात आली आहे.
या अपहरण प्रकरणी केज पोलीस ठाण्याचे पोलीस निरीक्षक प्रशांत महाजन यांच्या मार्गदर्शनाखाली सहाय्यक पोलीस निरीक्षक बाळासाहेब रोडे आणि पोलीस जमादार राजू वंजारे हे तपास करीत आहेत.
