ट्रक कार अपघात
दोन ठार तिघे जखमी;
केज जवळ आज पहाटे घडली घटना
केज-
मिळालेल्या माहितीनुसार बुधवार दि, २६, जून रोजी पहाटे साडेचार वाजता बीडहून अंबाजोगाईकडे येणारा ट्रक क्र, एम.एच. ४४ / ए,बी -८७८६, हा कोरेगावच्या वळणावर थांबलेला होता. त्यावेळी ट्रक चालक हे त्यांच्या ट्रकची पाहणी करीत असताना पाठीमागून येणाऱ्या एका भरधाव कारने क्र, ए पी -३९ / एस एस -५६५७, उभ्या ट्रकला जोराची धडक दिली यात कारमध्ये बसलेले आंध्र प्रदेशातील अनोळखी एक पुरुष व एक स्त्री यांचा जागीच मृत्यु झाला तर कारच्या पाठीमागे बसलेले श्रुती सकुंता, रा. गुडीवाडा, आंध्र प्रदेश आणि एक अनोळखी पुरूष हे दोघे जखमी झाले आहेत तसेच ट्रक ड्रायव्हर रियाज तुराब खाँ पठाण, रा.पाठोदा जि.बीड हे देखील जखमी झाले आहेत.
अशी माहिती भेटली आहे.
घटनेतील मयत व जखमी परराज्यातील असल्याने त्यांच्याशी संवाद साधण्यासाठी भाषेची अडचण येत होती.
अपघाताची माहिती मिळताच पो.नि. प्रशांत महाजन यांच्या मार्गदर्शनाखाली पो. उपनिरीक्षक आनंद शिंदे, पोलिस हेड कान्सटेबल त्रिंबक चोपणे, पोलिस नाईक राजू गुंजाळ, शेख रशीद हे घटनास्थळी रवाना होत जखमींना उपचारासाठी जवळच्या हॉस्पीटलमध्ये हलवण्यात आले होते.
