आणखी एक आक्षेपार्ह पोस्ट करणारा तरुण पोलिसांनी ताब्यात घेतला
*आरोपीला तीन दिवसांची पोलीस कोठडी*
गौतम बचुटे/केज :-सोशल मीडियावर सामाजिक शांतता व कायदा सुव्यवस्थेला बाधा आणणाऱ्या पोस्ट व्हायरल करणाऱ्या विरुद्ध केज पोलिसांनी कठोर पावले उचलले आहेत. पोलिसांनी आणखी एका आरोपीला ताब्यात घेतले असून न्यायालयाने त्याला तीन दिवसाची पोलीस कोठडी सुनावली आहे.
सोशल मीडियावर सामाजिक शांतता आणि कायदा संस्थेला बाजार आणणाऱ्या तसेच समाजात तेढ निर्माण करणाऱ्या पोस्ट विविध समाज माध्यमावर प्रसारित करणाऱ्या इसमा विरुद्ध पोलिसांनी कठोर कारवाईचे पावले चालली आहेत. मागील काही दिवसात केज तालुक्यात आक्षेपार्ह पोस्ट टाकणाऱ्या विरुद्ध पोलिसांनी अशा अनेक समोर कारवाया करून त्यांना कायद्याचा बडगा दाखविला आहे.
दरम्यान अशाच प्रकारे एक आक्षेपार्ह पोस्ट इंस्टाग्रामवर आणि सोशल मीडियावर करणारा शेलगाव गांजी ता. केज येथील कृष्णा बळीराम साखरे या इसमाला पोलिसांनी ताब्यात घेतले आहे. त्याच्या विरुद्ध युसुफ वडगाव पोलीस ठाण्यात गु रं. नं . १४९/२०२४ भादवी २९४, ५०५ (२) यासह माहिती व तंत्रज्ञान अधिनियम कलम ६७ अन्वये कारवाई केली आहे.
आरोपी बळीराम साखरे याला पोलिसांनी न्यायालया समोर हजर केले असा न्यायालयाने त्याला १५ जून पर्यंत तीन दिवसांची पोलीस कोठडी सुनावली आहे.
