जिजाऊ ब्रिगेड बीड (पूर्व) जिल्हाध्यक्ष पदी राधाताई सपकाळ यांची निवड
महीला चळवळीतून
केज तालुक्यात सक्रिय सहभाग
बीड-
मराठा सेवा संघ प्रणित जिजाऊ ब्रिगेड महाराष्ट्र राज्य, बीड (पूर्व) जिल्हा अध्यक्ष म्हणून केज तालुक्यातील महीला चळवळीतून सक्रिय सहभाग असणाऱ्या राधाताई सपकाळ यांची निवड करण्यात आली आहे.
दि. २९ शुक्रवार रोजी भाऊसाहेब देशमुख सभागृह,मराठा सेवा संघ कार्यालय, जालना येथे मराठा वाडा संवाद दौरा व कार्यकारणी बैठक आयोजित कार्यक्रमात ही निवडीचे पत्र शिवमती सिमाताई बोके यांच्या हस्ते देण्यात आले.
यावेळी मराठवाडा विभागातील महीला पदाधिकारी, कार्यकर्त्या मोठ्या संख्येने उपस्थित होते.
राधाताई सपकाळ यांनी निवड झाल्यानंतर आनंद व्यक्त केला असून. बीड जिल्ह्यातील महिलांसाठी सामाजिक क्षेत्रात चांगले काम करून दाखवण्यासाठी प्रयत्न करणार असल्याचे सांगितले आहे.
या निवडीनंतर त्यांनी अंतरवली सराटी येथे जाऊन मनोज जरांगे पाटील यांची भेट घेऊन आशिर्वाद घेतले.
राधाताई सपकाळ यांच्या निवडीचे केज तालुक्यातील व संपूर्ण बीड जिल्ह्यातील महीला तसेच जिजाऊ ब्रिगेड महीला पदाधिकारी व कार्यकर्ते यांनी अभिनंदन केले आहे.
