चिंचोली माळी येथे सातवीच्या विद्यार्थीची आत्महत्या !
गौतम बचुटे/केज :- केज तालुक्यातील चिंचोली (माळी) येथे आत्याकडे शिक्षणासाठी राहत असलेल्या एका १४ वर्षीय अल्पवयीन विद्यार्थ्याने गळफास घेऊन आत्महत्या केल्याची दुर्दैवी घटना घडली आहे.
या बाबतची माहिती अशी की, सोलापूर जिल्ह्यातील बार्शी येथील दिपक उर्फ दिप सचिन अकलूजकर याचे वडील कोरोनामध्ये मयत झाले होते. तसेच त्यानंतर आईने देखील दुसरे लग्न केल्याने अनाथ असलेल्या दिपक उर्फ दिप सचिन अकलूजकर याला त्याची आत्या सौ. उषा मोहिते या चिंचोली (माळी) ता. केज येथे शिक्षणासाठी घेऊन आले होते. दिपक उर्फ दिप सचिन हा कर्मवीर विद्यालय चिंचोली माळी येथे ७ वीच्या वर्गात शिक्षण घेत होता.
दरम्यान २१ मार्च रोजी सकाळी १०:०० वा. च्या सुमारास दिपक उर्फ दिप सचिन अकलूजकर याने आत्याच्या असलेल्या घरा शेजारी असलेल्या शेळीच्या गोठ्यात नायलॉनच्या दोरीने घराच्या अडूला गळफास घेऊन आत्महत्या केली. दीपक उर्फ दीप अकलूजकर हा अत्यंत हुशार आणि मनमिळावू वृत्तीचा होता. त्याच्या निधनाने गावात हळहळ व्यक्त आहेत होत आहे. आत्महतेचे नेमके कारण अद्याप समजू शकलेले नाही.
या प्रकरणी त्याचे मामा विकास तुकाराम मोहिते यांनी केज पोलीस ठाण्यात दिलेल्या माहिती वरून आकस्मिक मृत्यूची नोंद करण्यात आली आहे.
या प्रकरणी पोलीस जमादार बाबासाहेब बांगर हे पुढील तपास करीत आहेत.
