केज तालुक्यात मराठा आरक्षण समर्थक आंदोलक आक्रमक …..!
हरिनाम सप्ताहाच्या कार्यक्रमला येण्या पासून नंदकिशोर मुंदडा यांना रोखण्याचा प्रयत्न !
गौतम बचुटे/केज :- केज तालुक्यातील उंदरी येथे अखंड हरिनाम सप्ताहाच्या सांगता कार्यक्रमात काल्याच्या किर्तनाच्या कार्यक्रमासाठी गावात आलेल्या केज मतदार संघाच्या आमदार आणि सामाजिक कार्यकर्ते नंदकिशोर मुंदडा यांना सकल मराठा समाजातील मराठा आरक्षण समर्थक कार्यकत्यांनी रोखण्याचा प्रयत्न केला. त्यावेळी सकळ मराठा समाजातील कार्यकर्ते आणि नंदकिशोर मुंदडा यांच्यात बाचाबाची झाली.
या बाबतची माहिती अशी की, केज तालुक्यातील उंदरी येथे दि. १८ मार्च रोजी अखंड हरिनाम सप्ताहाची सांगता कार्यक्रम होता. त्या निमित्त हभप प्रकाश महाराज बोधले यांचे काल्याचे कीर्तन आयोजित केले होते. या कार्यक्रमाला उपस्थित राहून दर्शन घेण्यासाठी आमदारांच्या समर्थकानी केज मतदान संघाच्या आमदार नमिताताई मुंदडा यांचे सासरे व सामाजिक कार्यकर्ते जेष्ठ नेते नंदकिशोर मुंदडा यांना आमंत्रित केले होते. यासाठी नंदकिशोर मुंदडा हे उंदरी येथे आले आणि काल्याचे किर्तन सुरू असलेल्या किर्तन मंडपात जात असताना आरक्षण समर्थक सकळ मराठा समाजातील कार्यकर्त्यांनी त्यांना अडविले आणि मंडपात जाण्या पासून रोखण्याचा प्रयत्न केला. त्या वेळी आरक्षण समर्थक कार्यकर्ते आणि नंदकिशोर मुंदडा यांच्यात बाचाबाची झाली. त्याचे व्हीडिओ सोशल मीडियावर व्हायरल झाले असल्याने मराठा आरक्षण समर्थक आक्रमक झाले असल्याचे दिसून येते.
