केजमध्ये भर दुपारी मोटार सायकलच्या डिग्गी मधील १लाख २७ हजाराची चोरी
गौतम बचुटे/केज :- केज येथील मुख्य रस्त्यावर भर दुपारी उभ्या केलेल्या मोटार सायकलच्या डिग्गीचे झाकण उचकटून आतील १ लाख २७ हजार रु ची चोरी झाली आहे.
या बाबतची माहिती अशी की, दि. १५ मार्च रोजी दुपारी २:३० वा च्या सुमारास
गोविंद मधुकर सोनवणे रा (सारणी आं.) यांनी कळंब रोडवरील स्टेट बँक ऑफ इंडियाच्या शाखेतून त्यांच्या खात्या मधून १लाख २७ हजार रु काढले ते पैसे त्यांनी त्यांची मोटार सायकल क्र (एम एच ४४/पी २९६४) ही मिटकरी यांच्या किराणा दुकानाच्या समोरील रोडवर उभी करून ते एका दुकानात गेले. त्यांनी परत येऊन पाहिले असता मोटार सायकलच्या डीग्गीचे झाकण उचकटलेले दिसले. त्यांनी डिग्गीत पाहिले असता त्यातील १ लाख २७ हजार रु. व बँकेचे पासबुक कोणीतरी अज्ञात चोरट्यानी पळविले असल्याचे निदर्शनास आले.
या बाबत गोविंद मधुकर सोनवणे यांनी दिलेल्या फिर्यादी वरून अज्ञात चोरट्या विरुद्ध केज पोलीस ठाण्यात गुन्हा दाखल करण्यात आला आहे.
पोलीस निरीक्षक प्रशांत महाजन यांच्या मार्गदर्शनाखाली तपास सुरू आहे.
