केज तालुक्यातील मराठा समाजातील कुणबी नोंदी कशा सापडत नाहीत तेच लवकरच बघतो-
मनोज जरांगे पाटील
संवाद बैठक निमित्ताने केज तालुक्यातील सकल मराठा बांधवांशी साधला संवाद
केज-
मराठा आरक्षण योध्दा मनोज जरांगे पाटील हे संवाद बैठक निमित्ताने केज तालुक्यात दौर्यावर होते. मुक्ताई लॉन्स, भवानी चौक येथे सकल मराठा बांधवांशी संवाद बैठक दरम्यान त्यांनी तालुक्यातील मराठा बांधवांशी चर्चा करताना सांगितले की, मी लवकरच सर्व तहसील कार्यालय पिंजून काढणार आहे. त्यामुळे केज तालुक्यातील कुणबी नोंदी कशा सापडत नाहीत ते मी पाहतो. तुम्ही घाबरून जाऊ नका असे म्हणत मराठा बांधवांना काही मार्गदर्शक सूचना दिल्या.
यावेळी जरांगे पाटील यांनी सर्व मराठा समाजाला कायम एकजूट राहण्याची विनंती केली आहे. इतर समाज देखील आपल्या सोबत आहेत. फक्त नेते फुटीरवादी आहेत त्यांना धडा शिकवा असे आवाहन केले.
दिलेले आरक्षण आम्हाला मान्य नसून ओबीसीतूनच सर सकट आरक्षण मिळेपर्यंत मी एक इंचही मागे सरकणार नाही असे यावेळी जाहीर सांगितले.
यावेळी मुस्लिम समाज व वंचित बहुजन समाज च्या वतीने जरांगे पाटील यांचा सत्कार करण्यात आला.
केज तालुक्यातील सकल मराठा समाजातील नागरिक, तरूण, महीला मोठ्या संख्येने उपस्थित होते.
शहरातील सकल मराठा तरूणांनी योग्य नियोजन केले होते.
