बाळासाहेब ठाकरे यांच्या जयंती निमित्त बस स्थानकाला इलेक्ट्रिनिक नामफलक बोर्ड भेट
गौतम बचुटे/केज :- शिवसेनेचे संस्थापक हिंदू हृदय सम्राट बाळासाहेब ठाकरे यांच्या जयंती निमित्त महिला बचत गटाच्या वतीने केज बस स्थानकाला इलेक्ट्रॉनिक्स एलईडी नामफलक भेट देण्यात आला.
केज हे खामगाव- पंढरपूर आणि अहमदपूर-अहमदनगर तसेच लातूर ते संभाजी नगर या महामार्गावरील प्रमुख बस स्थानक आहे. येथे दिवसभरात शेकडो एसटी बसेसमधून प्रवाशांची ये-जा होत असते. त्यामुळे शिवसेनेचे संस्थापक हिंदू हृदय सम्राट बाळासाहेब ठाकरे यांच्या जयंती निमित्त अंबाजोगाई येथील राजमाता महिला बचत गटाच्या सौ. मोहर लाखे यांनी केज बस स्थानकाला इलेक्ट्रॉनिक्स एलईडी नामफलक भेट दिला. त्या नंतर हिंदू हृदय सम्राट बाळासाहेब ठाकरे यांच्या प्रतिमेला पुष्पहार अर्पण करण्यात आला.
यावेळी धारूर आगाराचे आगार प्रमुख नवनाथ चौरे, बस नियंत्रक बालाजी बिक्कड, वाहतूक निरीक्षक सोनवणे, वाहतुक निरीक्षक अनिल क्षिरसागर, सखाराम कावळे, श्रीनिवास घोळवे, जगदीश शिकची तसेच भागवतराव लाखे यांच्यासह केज नियंत्रक कक्षातील कर्मचारी आणि प्रवाशी उपस्थित होते.
