केज शहरातील हा रस्ता म्हणजे खतरो के खिलाडीयोंका रस्ता
केज-
शहरातील अत्यंत वर्दळीचा समजला जाणारा, दवाखाने, वेगवेगळे प्रकारचे दुकाने, कोचिंग क्लासेस,हॉटेल्स, मेडिकल यामुळे नागरीकांची, विद्यार्थी व खरीदारांची हमखास गर्दी पाहायला मिळते.पुढे याच रोडवरून काही खेडी जोडलेली आहेत. असा हा शहरातील नेहमी गजबजलेला कानडी रोड, या रस्त्यावरून वाहन चालवणे म्हणजे खतरोंके खिलाडी मधील स्टंटबाजी करत वाहन चालवण्याचा भास वाहनधारकांना होत आहे.
रस्त्यावरील दुतर्फा उभी असणारी वाहणांची गर्दी, यामुळे दोन वाहने समोरासमोर आले तर क्रॉस होण्यासाठी किती वेळ लागेल हे सांगता येत नाही. त्यामुळे या रस्त्यावर सारखी वाहणांची कोंडी पाहावयास मिळते. यानंतर सुरू होते वाहनधारकांची खरी स्टंटबाजी, या वाहणांच्या कोंडीतून मग काही मोटारसायकलस्वार वेगवेगळ्या स्टंटचा वापर करून आपले वाहने गर्दीतून पुढे सरकवतात, वाहनांचा व हॉर्नचा कर्कश आवाज, रस्त्यावरील उडणारा धुराळा यामुळे या वाहणांच्या कोंडीतून केव्हा बाहेर पडतो या चिंतेने व्याकूळ काही वाहनधारकांची अवस्था झालेली पहायला मिळते.
तरूणांचे थांबण्याचे अनेक अड्डे या रस्त्यावर आहेत, त्यामुळे त्यांच्या वाहणाचा वेग, कर्कश आवाज तसेच वाहनांचे वेगवेगळे स्टंटबाजीही हमखास पाहायला मिळते.
शाळा, महाविद्यालये, दवाखाने या भागात असल्याने
पोलीस प्रशासन व संबंधित पदाधिकारी या रस्त्याकडे लक्ष देऊन हा रस्ता प्रवासाठी सुरळीत करतील का असे नागरिक चर्चा करत आहेत.
