केज येथे भव्य मोटारसायकल रॅली काढून आरक्षण जनजागृती
केज-
केज येथे सकल मराठा बांधवांनी मराठा आरक्षण जनजागृती करण्यासाठी भव्य मोटारसायकल रॅली काढत मराठा समाजाला या आंदोलनात सहभागी होण्याचे आवाहन केले.
आज दि. १० रोजी सकाळी ११ वा. शारदा इंग्लिश स्कूल, बीड रोड येथून ही आरक्षण जनजागृती रॅली सुरू झाली आहे. तीचा समारोप भाऊसाहेब पाटील डि. एड. काॅलेज अंबाजोगाई रोड येथे होणार आहे.
बोरीसावरगाव येथे दि. १२ रोजी मनोज जरांगे पाटील यांची सभा होणार आहे. त्यांच्या समर्थनाथ ही या रॅलीचे नियोजन केले आहे.
केज येथील या आरक्षण जनजागृती रॅली मध्ये शहर व तालुक्यातील हजारो युवकांनी मोठ्या संख्येने सहभाग नोंदवला आहे. छत्रपती शिवाजी महाराज यांची भव्य मूर्ती रॅली समोर असल्याने रॅली आकर्षक दिसत आहे. एक मराठा लाख मराठा, एकच मिशन मराठा आरक्षण अशा घोषणांनी परिसर दणाणून गेला आहे.
यावेळी मुख्य रस्त्यावर वाहणांची कोंडी होऊ नये म्हणून पोलीसांनी चोख बंदोबस्त ठेवला आहे.
