केज-कळंब सिमेवर बिबट्या सद्रश्य प्राणी दिसल्याने नागरीकांत घबराट
वनविभागाने लक्ष देण्याची गरज
केज-
केज तालुक्यातील बोरगाव (बु.) हे बीड जिल्ह्याच्या सीमेवर असलेले गाव आहे. या गावातून मांजरा नदी वाहते. नदी ओलांडताच आथर्डी या धाराशीव जिल्ह्यातील गावाचा शिवार सुरू होतो. नदीच्या अलीकडे बोरगाव शिवाराला गाडेमोडी हे नाव आहे. गाडेमोडी शिवारात त्र्यबंक हरीदास लांडगे यांची आंबेराई आहे. शुक्रवारी सकाळी ८ः०० वाजता आंबे उतरण्यासाठी लांडगे आंबेराईत गेले असता त्यांना नदीतून बिबट्या आल्याचे दिसले. तेव्हा ते तात्काळ आंब्याच्या झाडावर चढले. बिबट्या जवळील शेतातील ऊसात गेल्यानंतर त्यांनी तेथून पळ काढला.
त्यानंतर त्यांनी या घटनेची माहिती बोरगाव, आथर्डीच्या शेतकऱ्यांना दिली. त्यामुळे बोरगाव, आथर्डी शिवारातील शेतकऱ्यांमध्ये भीतीचे वातावरण आहे.
