मुक्त विदयापीठाच्या विविध अभ्यासक्रमांच्या परीक्षांना 29 मे पासुन सुरूवात
केज प्रतिनिधी. यशवंतराव चव्हाण महाराष्ट्र मुक्त विदयापीठ, नाशिक यांच्यामार्फत राबविण्यात येत असलेल्या विविध अभ्यासक्रमांच्या अंतिम परीक्षा दि.29 मे 2023 पासुन सुरू होत आहेत.
सविस्तर वृत्त–
यशवंतराव चव्हाण महाराष्ट्र मुक्त विदयापीठ, नाशिक यांच्यामार्फत राज्यभर विविध अभ्यासकेंद्रातून विविध प्रकारचे अभ्यासक्रम कार्यरत आहेत, त्या सर्व अभ्यासक्रमांच्या परीक्षांना दि.29 मे 2023 पासून सुरूवात होत आहे. अनेक अभ्यासक्रमांपैकी एक असलेला बीए या अभ्यासक्रमाच्या सत्रनिहाय व अंतिम परीक्षा दि.29 मे 2023 ते 15 जून 2023 या कालावधीत विद्यापीठामार्फत आयोजित करण्यात आलेल्या आहेत. तसेच याच कालावधीत शालेय व्यवस्थापन पदविका म्हणजेच डीएसएम्, एम ए एज्युकेशन, बालसंगोपन या अभ्यासक्रमांच्या परीक्षा सुद्धा आयोजित करण्यात आलेल्या आहेत. मागील दोन वर्षात कोरोनामुळे परीक्षा ऑनलाईन पद्धतीने घेण्यात आलेल्या होत्या, परंतु गतवर्षी प्रमाणे या वर्षी सुद्धा सर्व अभ्यासक्रमांच्या परीक्षा ऑफलाईन पद्धतीनेच घेण्यात येणार असल्याने सर्व विद्यार्थ्यांनी आपल्या अभ्यासकेंद्राच्या संपर्कात राहावे. तत्पुर्वी प्रा.डॉ.विश्वनाथराव कराड महाविदयालय केज या अभ्यासकेंद्रात बीए व डीएसएम् या अभ्यासक्रमास प्रवेशित सर्व विदयार्थ्यांनी आपापल्या विषयाची पुस्तके घेवून जावीत एैन परीक्षा काळात विद्यार्थ्यांना पुस्तके देण्यात येणार नाहीत त्यामुळे विदयार्थ्यांनी लवकरात लवकर पुस्तके घेवून जावीत असे आवाहन येथील प्राचार्या सौ.माधुरीताई मुंडे, प्राचार्य डॉ.किशोर मोरे, केंद्रसंयोजक प्रा.प्रविण कन्हेरे यांनी केले आहे. तसेच, सदरील परीक्षेचे विषयानुसार वेळापत्रक जाहीर करण्यात आले असून विद्यार्थ्यांनी त्याचे अवलोकन करावे व विदयापीठाने दिलेल्या वेळापत्रकानुसार परीक्षेस उपस्थित राहावे. असे आवाहन केंद्रसहायक प्रा.भैरवनाथ माने, श्री.अजय यादव यांनी केले आहे. अधिक माहितीसाठी केंद्रसहायक श्री.अजय यादव यांना 9637530695 या क्रमांकावर संपर्क साधावा.
