बोरगाव (बु.) येथे भीम जयंती उत्साहत साजरी!
केज-
डॉ. बाबासाहेब आंबेडकर यांची १३२ वी जयंती बोरगाव (बु.) येथे उत्साहात साजरी करण्यात आली. यानिमित्त्त गावातील तरूणांनी मध्यरात्री ठीक १२ वाजता रंगीत फटक्याची आतिषबाजी केली. त्यानंतर सकाळी साडेनऊ वाजता सर्व गावकरी बोरगाव येथील समाज मंदीरासमोर एकत्र येऊन समता ध्वज फडकवण्यात आला. यावेळी गावातील जेष्ठ नागरीक तथा डॉ. आंबडेकरांच्या विचारांचा वारसा जपणारे ज्ञानोबा आरकडे यांच्या हस्ते समता ध्वजाचे रोहन करून राष्ट्रगीताचे गायन करण्यात आले. यावेळी गावाचे प्रथम नागरीक बाळासाहेब गव्हाणे, विजयानंद आरकडे, कालिदास आरकडे, जालिंदर गायकवाड, अशोक दादा गव्हाणे, शहाजी बापू फाटक, शाहुराव गव्हाणे, सुर्यकांत गव्हाणे, गणेश निंगुळे, विकास आरकडे, भैय्यासाहेब आरकडे यांच्यासह गावातील सान थोरांची उपस्थिती होती.
यावेळी समाज मंदीरामधील डॉ. बाबासाहेब आंबेडकरांच्या प्रतिमेचे पुजन करण्यात आले व दिपप्रज्वलन करून बौध्दवंदना म्हणण्यात आली. त्यानंतर महापुरूषांच्या नावाचा जयघोष करून अल्पोहाराने कार्यक्रमाची सांगता झाली.
