दोन गटात शुल्लक कारणावरून दगडफेक केलेल्या आरोपींना जामीन मंजूर
केज-
केज मध्ये गेल्या महीन्यात शुल्लक कारणामुळे वाद निर्माण होऊन त्याचे रूपांतर दगडफेकीत झाले होते. त्यामध्ये 71 मधुन 66 जणांना न्यायालयीन कोठडी मिळाली होती त्यांना काल अंबाजोगाई सत्र न्यायालयाने जातमुचलक्यावर व काही अटी शर्ती लागू करून जामीन मंजूर केला आहे.
24/03/2023 रोजी शुल्लक कारणावरून झालेल्या वादात दोन गट आमने-सामने भिडले त्यानंतर वादाचे रूपांतर हाणामारी व दगडफेकीत झाल्याने तब्बल 40 ते 50 जण किरकोळ जखमी झाले होते, पोलिसांना माहिती मिळताच सहाय्यक पोलीस अधीक्षक, पंकज कुमावत यांच्या मार्गदर्शनाखाली केज पोलिसांनी घटनास्थळी धाव घेऊन परिस्थिती नियंत्रणात आणून आरोपींना ताब्यात घेतले.
त्यानंतर पोलिसांनी स्वतः फिर्यादी होत तब्बल 132 जनावर केज पोलीस स्टेशन मध्ये गुन्हा दाखल करून 66 जणांना अटक करून न्यायालयात हजर केले असता न्यायालयाने 14 दिवसाची न्यायालयीन कोठडी सुनावली होती. त्यानंतर काल दि. 05/04 2023 बुधवार रोजी अंबाजोगाई न्यायालयाने दोन्ही गटातले आरोपींना 308 मध्ये सशर्त जामीन प्रत्येकी 25 हजार रुपये जातमुचलक्यावर व नियम अटी लागू करून जामीन मंजूर केला आहे.
याप्रकरणी दोन्ही गटाचे वकिल adv बी एन ढाकणे,adv पी.डी इतापे, adv वसीम शेख, adv दीपक मुंडे, सरकारी वकील adv फड, adv पवार यांनी काम पाहीले.
