हातावर पोट भरणाऱ्या विरुद्ध कारवाई करण्यापेक्षा भु-माफियावंर कारवाई करा..!
बाबुरावजी पोटभरे
केज–
केज सह तालुक्यात लबाडांचे राजकारण सुरु आहे. राजकीय पुढार्यांची भु माफीयागिरी सुरू आहे, हातावर पोट भरणाऱ्या विरूद्ध कारवाई करण्यापेक्षा भुमाफीयागीरी करणार्यावर कारवाई करा असा सवाल करत लवकरच या विरोधात बहुजन विकास मोर्चाच्या माध्यमातून जन आंदोलन उभे करणार असल्याचे ब.वि.मो.संस्थापक अध्यक्ष बाबुरावजी पोटभरे यांनी म्हटले आहे.
ते दि. 31 रोजी केज येथे आले असता त्यांनी पत्रकारांशी संवाद साधून हा इशारा दिला आहे.
गायरान जमिनी, इनामी जमीनी, देवस्थानच्या जमीनी व मुख्य भागावरील अतीक्रमणे करून जमीनी हडपण्याचा डाव सर्व पक्षांच्या संगणमताने सुरू असून आम्ही भाऊ भाऊ सर्व जण मिळून खाऊ असाच प्रकार केज सह तालुक्यात घडत आहे. असे ते म्हणाले
———————————
हातावर पोट असणार्या व्यवसाईकावर कारवाई करण्यापेक्षा मोठ्या माफियावंर कारवाई झाली पाहिजे असा प्रश्न त्यांनी उपस्थित करुन पोलीस प्रशासन व महसूल विभागालाही त्यांनी सवाल विचारला आहे का ? असे बोलले जात आहे.
——————————–
पुढे बोलतांना ते म्हणाले आहेत की, अनेक राजकीय पुढार्यांनी अवैध जमिनीवर कब्जा केला आहे. व खरीदी विक्री केली आहे. अवैध बांधकाम केले आहेत. अनेक प्रकरण नागरिकांनी माझ्याकडे सुपूर्द केले आहेत या सर्व प्रश्नावर लवकरच केज येथे आंदोलन उभे करून गेल्या दहा वर्षापासून सुरू असलेल्या येथील राजकीय पुढार्यांच्या भुमाफिया विरूद्ध आवाज उठवणार असल्याचे सांगितले आहे. तालुक्यातील ग्रामीण भागात सार्वजनिक स्मशानभूमी असाव्यात जातीच्या नावाने असू नयेत असेही त्यांनी नमूद केले,
यापुर्वीही केज तालुक्यातील जनतेच्या प्रश्नावर सातत्याने लढा दिला आहे. यापुढे तालुक्यातील राजकीय पुढार्यांची भुमाफिया विरूद्ध आवाज उठवणार असल्याचे ब.वि.मो. संस्थापक अध्यक्ष बाबुरावजी पोटभरे यांनी पत्रकार परिषदेत सांगितले आहे.
