करुणा मुंडे आणि अन्य एका विरुद्ध केज पोलीस ठाण्यात अदखलपात्र गुन्हा दाखल !
गौतम बचुटे/केज :- केज पोलीस ठाण्यात करुणा मुंडे आज अन्य एक जणां विरुद्ध अदखलपात्र स्वरूपाचा गुन्हा दाखल करण्यात आला आहे.
सोमवार दि. २३ जानेवारी रोजी रात्री ९:०० वा सुमारास बालाजी तांदळे हे त्यांच्या मोबाईलमध्ये फेस बुकवर करूणा मुंडे यांचा व्हीडीओ पाहात असताना आमदार धनंजयजी मुंडे यांचेवर व्हिडीओ मध्ये केलेल्या आरोपा संदर्भात त्यांनी फोन केला असता करुणा मुंडे यांनी बालाजी तांदळे यांना जीवे मारण्याची धमकी दिली. तसेच त्याच मोबाईल वरून अजय देडे यानाही बालाजी तांदळे यांना शिवीगाळ करून जीवे मारण्याची धमकी दिली.
या प्रकरणी बालाजी तांदळे यांच्या तक्रारी वरून करुणा मुंडे (शर्मा ) आणि अजयकुमार देडे दोघे रा. मुंबई यांचे विरुध्द दि. २३ जानेवारी रोजी रात्री ११:०० वा च्या दरम्यान केज पोलीस ठाण्यात दखलपात्र स्वरूपाचा गु. र. न. ५६/२०२३ भा. दं. वि. ५०६ आणि ३४ नुसार गुन्हा दाखल करण्यात आला आहे.
सहाय्यक पोलीस निरीक्षक शंकर वाघमोडे यांच्या मार्गदर्शनाखाली तपास सुरू आहे.
