गरीब शेतकरी पुत्र प्रशातंची जिवनमरानाशी झुंज
एकुलता एक आधारवड असणाऱ्या मुलासाठी कुटुंबाची आर्थिक मदतीसाठी याचणा
बोरगावकरांची मदत ठरतेय मोलाची तर गढी येथील वर्गमित्र मदतफेरी काढून उपचारासाठी करतायत पैसे जमा
बीड-
केज तालुक्यातील बोरगाव (बु) येथील सालगडी म्हणून दुसर्याच्या शेतात काम करून कुटुंबाचा आधारवड असणाऱ्या एकुलत्या एक मुलाच्या शिक्षणाचा आर्थिक भार उचलत भविष्याची सोनेरी स्वप्न पाहणारे रमेश राऊत यांचा मुलगा प्रशातंचा मोटारसायकल अपघात झाला आहे त्याच्या डोक्याला व शरिराच्या इतर भागावर गंभीर दुखापत झाली असल्याने त्याच्यावर बीड येथील काकू नाना दवाखान्यात अतिदक्षता विभागात उपचार सुरू असून आर्थिक खर्च मोठा असल्याने कुटुंब पुर्णतः हतबल झाले आहे.
आई वडीलांच्या डोळ्यातून अश्रू अनावर झाले असून माझ्या मुलाला वाचवा अशी विनवणी प्रत्येकाला करत आहेत.
अधिक माहिती अशी की, केज तालुक्यातील बोरगाव येथील रमेश राऊत यांना पत्नी, तिन मुली व एकुलताएक मुलगा प्रशांत आहे. प्रशांतने सध्या गढी (गेवराई) येथे डि. फार्मसी द्वितीय वर्षात शिक्षण घेत आहे. तो सुध्दा शिक्षण घेत मिळालेल्या वेळेत काम करून उदरनिर्वाहासाठी पैसे जमवत होता. दि.16 जानेवारी रोजी गेवराई नजीक अज्ञात वाहणाने प्रशांत चालवत असलेल्या मोटारसायकला धडक दिली. त्यात तो गंभीर जखमी झाला असून त्याची दवाखान्यात जिवनमरानाशी झुंज सुरू आहे.
———————————-
बोरगावकरांची मदत ठरतेय मोलाची;
वर्गमित्रांकडून मदतफेरी काढून मदतीसाठी याचणा
——————————-
राऊत कुटुंबाची हालाखीची परिस्थिती बोरगाव येथील नागरिकांना माहीती असल्याने हतबल झालेल्या राऊत कुटुंबा एकुलताएक मुलगा प्रशांतच्या उपचारासाठी सर्व ग्रामस्थ, तरूण एकवटले असून सर्वजण आर्थिक मदत करत आसून मदतीसाठी दानशुरांकडून अपेक्षा व्यक्त करत आहेत.
गढी येथील प्रशांतचे वर्गमित्रांकडून मदतफेरी काढून आर्थिक मदत गोळा करून प्रशांतच्या उपचारासाठी शर्तीचे प्रयत्न करित आहेत.
प्रशांतच्या उपचारासाठी मोठा खर्च असल्याने समाजातील दानशूर व्यक्तीने राऊत कुटुंबाला आर्थिक मदत करून सामाजिक बांधीलकी जोपासून राऊत कुटुंबाला त्यांचा आधारवड वाचवण्यासाठी आधार द्यावा अशी बोरगावकरांची व वर्गमित्रांकडून आवाहन केले जात आहे.
