हयातनामा देण्यासाठी जेष्ठ नागरिकांची केज तहसील येथे गर्दी ;
तहसीलदार मेंडके साहेब- जेष्ठनेते नंदकिशोर मुंदडा यांच्या चर्चेतून ठरले प्रत्येक गावात महसूल अधिकारी जमा करणार हयातनामा
केज–
जेष्ठ नागरिकांना मिळणारी संजय गांधी, श्रावण बाळ, निराधार योजनेचा लाभ सुरू ठेवण्यासाठी दरवर्षी जिवंत असलेला हयातनामा सादर करावा लागतो. याही वर्षी जेष्ठ नागरिकांनी हे हयातनामा देण्यासाठी केज तहसील कार्यालय परिसरात एकच गर्दी केलेली पहावयास मिळत आहे.
जेष्ठ नागरिक उन्हात रांगेत उभे राहून हे हयातनामा देत असल्याने त्यांना अनेक अडचणींना तोंड द्यावे लागत आहे. याची दखल केज येथील काही पत्रकार बांधवांनी घेऊन सोशलमिडीयावर चर्चा केल्यानंतर जेष्ठ नेते नंदकिशोर मुंदडा यांनी मा. तहसीलदार दुलाजी मेंडके साहेब यांची भेट घेऊन केज तालुक्यातील जेष्ठ नागरिकांना केज येथे येऊन हयातनामा देण्यासाठी होत असलेली फरपट लक्षात आणून दिली. या चर्चेनंतर असा निर्णय घेण्यात आला आहे की, महसूल विभागाचे कर्मचारी प्रत्येक गावात या योजनेचा लाभ घेणाऱ्या नागरिकांचा हयात नामा जमा करतील त्यामुळे ग्रामीण भागातील जेष्ठ नागरिकांनी केज तहसील कार्यालय येथे येऊ नये. आपल्या गावातील तलाठी, ग्रामसेवक आदी महसूल कर्मचारी यांच्याशी संपर्क साधून त्यांच्याकडे हयातनामा जमा करावे.
प्रत्येक गावासाठी तारीख दिली जाणार आहेत.
