ग्रामपंचायत बिनविरोध झाल्याने शिक्षकाने दिले संपूर्ण गावाला जेवन
केज :- दत्तात्रय मुजमुले
तालुक्यातील आनेगाव ग्रामपंचायत ही बिनविरोध झाल्याने चक्क जिल्हा परिषदेच्या शाळेत शिक्षक असणारे श्री. मांगडे यांनी संपूर्ण गावाला जिजाऊ जयंती चे औचित्य साधून गावं जेवण दिले आहेत.
याबाबत सविस्तर माहिती अशी की,आनेगाव येथील जिल्हा परिषदेच्या शाळेत शिक्षक म्हणून कार्यरत असणारे श्री मांगडे यांनी गावातील ग्रामपंचायत बिनविरोध झाली म्हणून नवनिर्वाचित सरपंच,उपसरपंच आणि सदस्यांचा सत्कार करत संपूर्ण गावाला स्वखर्चाने गावं जेवण दिले आहे.गावचा विकास व्हावा,गाव विकासाच्या दृष्टीने पुढे जावे ही अपेक्षा मनी बाळगून हा कार्यक्रम गावकऱ्यांच्या उपस्थितीत उत्साहात संपन्न झाला.
या कार्यक्रमाचे निमित्त साधून गावच्या विकासासाठी व शाळेच्या विकासासाठी सुरुवात झाली. सत्कार समारंभ प्रसंगी ग्रामपंचायत सदस्याने स्वतःच्या पैशातून शाळेसाठी प्रत्येकी एक संगणक देण्याचे मान्य केले .गावातील उद्योजक दशरथ राजाराम इंगळे यांनी शाळेसाठी दोन स्मार्ट टीव्ही व प्रिंटर देण्याचे मान्य केले. तसेच शिवाजी बालासाहेब हंडिबाग यांनी शाळेसाठी इको माइक देणार असल्याचे सांगितले त्याचबरोबर गावचे नागरिक व टॅक्स कन्सलंट असणारे श्रीराम इंगळे यांनी स्वतःच्या पैशातून आनेगाव ते बावची या रस्त्याचे साईट पट्टीचे काम करण्याचे मान्य केले.हे सर्व जिल्हा परिषद शाळेने घडवून आणले याबद्दल सर्व गावकऱ्यांनी शाळेची प्रशंसा केली. या कार्यक्रमात सर्व गावकऱ्यांनी गावाचा विकास व शाळेचा विकास करण्यासाठी सर्वांनी सहकार्य करण्याचे ठरवले.
या कार्यक्रमासाठी गटशिक्षणाधिकारी श्री सुनील केंद्रे, वडगावचे केंद्रप्रमुख श्री बोराडे, साळेगावचे केंद्रप्रमुख अंकुशे ,केंद्रप्रमुख श्री चौरे व युसुफ वडगाव केंद्रातील सर्व शिक्षक वृंद उपस्थित होते. कार्यक्रमाचे सूत्रसंचालन श्री मांगडे यांनी केले.तर आभार श्री.भिसे यांनी व्यक्त केले.
